ԱՄՆ-ը Հայաստանին ավելի քան 2,2 մլն դոլար կհատկացնի թմրանյութերի առքուվաճառքի դեմ պայքարի համար

ՀՀ կառավարությունը հինգշաբթի նիստի ժամանակ «Թմրանյութերի վերահսկողության և կարգապահության ոլորտում համագործակցության մասին» հայ-ամերիկյան համաձայնագրին կից 9-րդ և 10-րդ արձանագրությունները կնքելու հավանություն է տվել:

Ինչպես հայտնեց ՀՀ գլխավոր դատախազ Աղվան Հովսեփյանը, արձանագրություններ կնքելու առաջարկով հանդես է եկել ամերիկյան կողմը:

Փաստաթղթերի համաձայն՝ ԱՄՆ կառավարությունը հայկական կողմին լրացուցիչ 2,2 մլն դոլար կհատկացնի:

Գլխավոր դատախազի խոսքերով՝ միջոցները լուրջ խթան կդառնան ՀՀ քրեակատարողական օրենսդրության բարելավման, դատախազության համակարգի և իրավապահ մարմինների ինստիտուցիոնալ բարեփոխումների, ինչպես նաև վերազգային հանցավորության դեմ արդյունավետ պայքարի համար:

Հարցեր, պատասխաններ, մեկնաբանություններ