Գիտնականներին հաջողվել է կառուցել բջջի 3D մոդելը. biostem.am

Մենք բոլորս առաջին տարին չէ, որ լսում ենք ցողունային բջիջների մասին, բայց լիարժեք տեսնել այն կարելի է, թերևս, միայն թվային խոշորացույցով, որը չի կարող ցույց տալ ամբողջական պատկերը: Բայց Ալլենի ինստիտուտի գիտնականների խումբը, օգտագործելով սարքային ուսուցման խորն ալգոռիթմերը, ներկայացրել է ալգորիթմ, որն ընդունակ է կառուցել ցանկացած բջջի 3D մոդելը, անգամ, եթե առկա է նրա միայն երկչափ պատկերը:

Գիտնականները ծրագրին սովորեցրել են բջջի մոդելի կառուցման ժամանակ, այսպես ասած, «լուսավորել» այն: Այդ կերպ բոլոր կառուցվածքներն ավելի ցայտուն են երևում, և այդ դեպքում նաև ավելի շատ դետալներ կարելի է տեսնել: Հավաքելով այդպիսի լուսավորված բջիջների մի քանի 1000 լուսանկար, գիտնականները «հագեցրել են նրանց նեյրոցանցերը: Դրանից հետո նեյրոցանցը կարողացել է լուսանկարի հիման վրա կանխատեսել օրգանելների տեղակայումը և նրանց ձևը:

Ալլենի ինստիտուտի փորձագետներն արդեն մի քանի տարի զբաղվում են նմանատիպ աշխատանքներով, բայց նախկինում դրանք հասանելի էին միայն ներքին օգտագործման համար: Նոր ծրագիրը կդառնա հասանելի բոլորին, և այն, հեղինակների խոսքով, թույլ կտա հասկանալ բջջի աշխատանքն ու հետևել բոլոր գործընթացներին, որոնք ընթանում են նրա ներսում: Ինչպես նշում է աշխատանքների հեղինակներից մեկը՝ Գրեգ Ջոնսոնը. «Եթե մենք ավելի լավ հասկանանք առողջ բջջի ներքին աշխատանքը, ապա կարող ենք հասկանալ. ինչ է կատարվում, երբ այն ձևափոխվում է: Օրինակ, փոխվում է քաղցկեղային բջջի: Դա մեզ հնարավորություն կտա տեսնել այն, թե ինչպես են բջիջները ժամանակի ընթացքում փոխվում, կարող ենք հետևել բոլոր փոփոխություններին, որոնք ընթանում են, ինչպես նաև կանխատեսել և հայտնաբերել դրանք արդեն կենդանի օրգանիզմում»:

Հարցեր, պատասխաններ, մեկնաբանություններ