Իսպանացի բժիշկները ՄԻԱՎ-ի՝ սեռական ճանապարհով փոխանցումը կանխարգելող դեղ են ստեղծել. tert.am

Իսպանիայում բժիշկները դեղ են ստեղծել, որն արգելափակում է ՄԻԱՎ-ի փոխանցումը սեռական ճանապարհով: Euromag-ի հաղորդմամբ` դեղը ներթափանցում է արական սեռական գեղձերի մեջ և արագ ոչնացնում վիրուսը: Իսպանացի մոլեկուլային կենսաբանների ստեղծած դեղն արգելափակում է ՄԻԱՎ-ը հենց օրգանիզմում և գրեթե հարյուր տոկոսով բացառում է սեռական ճանապարհով վիրուսի փոխանցման հավանականությունը:

Նշվում է, որ դեղի մշակմամբ զբաղվել են Բարսելոնայի համալսարանի մասնագետները: Ինչպես գիտնականները մեկնաբանում են, ժամանակակից բուժումը չի նպաստում վիրուսի ամբողջական անհետացմանը: Երբ հիվանդը դադարում է դեղ ընդունել, հիվանդությունն արթնանում է և շարունակում քայքայել մարդու իմունային համակարգը:

Հարցեր, պատասխաններ, մեկնաբանություններ