Էլեկտրոնային մաշկի նախատիպը թույլ կտա մարդկանց զգալ մագնիսական դաշտը. 1in.am

Գերմանացի և ճապոնացի գիտնականները ներկայացրել են ճկուն նանոցուցիչ մարդկային մաշկի համար, որը թույլ կտա մարդկանց ձեռք բերել «6-րդ զգայարան» և շոշափմամբ ընկալել մագնիսական ալիքները։ Սարքի մասին հայտնում է Nature Communications ամսագիրը։

Մագնիտոռեցեպցիան (մագնիսական դաշտն անմիջականորեն զգալու ունակություն) օգնում է բակտերիաներին, միջատներին և որոշ կենդանիների (թռչուններին և շնաձկներին) օգտագործել բնության այդ երևույթը՝ տարածքում կողմնորոշման ու տեղաշարժման համար։ Մասնագետները մարդկանց համար ստեղծել են էլեկտրոնային մաշկ, որն արձագանքում է ստատիկ և դինամիկ մագնիսական դաշտին։

Նոր ցուցիչի հաստությունը չի գերազանցում 2 միկրոնը և կշռում է ընդամենը 3 գրամ։

Գիտնականները նշում են, որ իրենց ներկայացրած ցուցիչները պիտանի են փափուկ ռոբոտների և բժշկական իմպլանտների, ինչպես նաև մարմնին կրվող էլեկտրոնային սարքերի համար։

Հարցեր, պատասխաններ, մեկնաբանություններ