Ճապոնացի կենսաբանները ցողունային բջիջները վերածել են ձվաբջիջների. գիտնականներ

Կիոտոյի համալսարանի գիտնականներն արդեն կարող են մկների էմբրիոնային ցողունային բջիջները վերածել լիարժեք ձվաբջիջների: Բեղմնավորման և փոխնակ մոր օրգանիզմում տեղադրելու դեպքում այդ ձվաբջիջներից առողջ մկնիկներ են ծնվում: Այս թեմայով աշխատությունը հրապարակված է Science ամսագրում:

Նախ՝ գիտնականները ցողունային բջիջները մշակել են տարբեր ազդանշանային սպիտակուցներով միախառնված լուծույթով, որպեսզի դրանք վերածվեն գոնոցիտի` վերջիններս սովորոկան էմբրիոնի դեպքում հանդիսանում են ցանկացած սեռական բջջի նախնական օրինակը: Ստացված գոնոցիտներին ավելացրել են դոնոր ձվաբջիջների հյուսվածքներից ստացված բջիջները` նախապես նրանցից հեռացնելով բոլոր սեռական բջիջները: Այնուհետեև հեղինակները ստացված խառնուրդը տեղադրել են մկների ձվարաններում:

Կրծողների օրգանիզմում գոնոցիտներից և դոնորային օժանդակ բջիջիներից ձևավորվել են ձվաբջիջներ, որոնք հասունանալով՝ բեղմնավորվել են, ապա արհեստական բեղմնավորված բջիջները տեղադրվել են փոխնակ մայր-մկան օրգանիզմում: Ծնվել են բոլորովին առողջ «արհեստական» մկնիկներ: 

Հարցեր, պատասխաններ, մեկնաբանություններ