Հուլիսի 6-ը Համբույրի համաշխարհային օրն է

Այս օրը բոլոր ցանկացողները կարող են «փոխանակվել իրենց հոգիներով», քանի որ հուլիսի 6-ին նշվում է Համբույրի համաշխարհային օրը (World Kiss Day կամ World/International Kissing Day), որն առաջին անգամ Մեծ Բրիտանիայում են հնարել:

Երկու տասնամյակ անց այն հաստատվել է Միավորված ազգերի կազմակերպության կողմից: Շատ երկրներում այս օրը համբույրների տարբեր մրցույթներ են անցկացվում, որոնց մասնակիցները տարբեր մրցանակներ ստանալու հնարավորություն են ունենում:

Ինչպե°ս է ի հայտ եկել համբույրը: Բազմաթիվ գիտակ մարդիկ պնդում են, որ առաջին համբույրի հեղինակային իրավունքները հաստատված չեն: Այն չի հնարվել, ինչպես էլեկտրոէներգիան և հեռախոսը: Համբույրն այն մարդու անունը չի ստացել, ով առաջին անգամ միավորեց իր շուրթերը և բնորոշ ձայնով համբուրեց ու խոնավ հետք թողեց իր ընկերուհու այտին:

Այո, ընդհանուր առմամբ, այդքան էլ կարևոր չէ այս գործողությունը բնորոշող բառի ծագումը: Ավելի հետաքրքիր է իմանալ, թե որտեղից է առաջացել գործողությունը, բայց այս հաշվով գիտնական-անթրոպոլոգների, պատմաբանների ու փիլիսոփաների կարծիքները չեն համընկել: Բազմաթիվ տեսություններ կան:

Ինչու° են մարդիկ համբուրվում: Առաջին հերթին, որովհետև այն մշակույթի հետ է գալիս: Գրեթե ողջ աշխարհում, մարդիկ ռոմանտիկ իրավիճակներում հայտնվելով, անգիտակցորեն համբուրվելու անհրաճեշտություն են զգում: Այնպիսի տպավորություն է, որ հակառակ սեռերի ներկայացուցիչները ծրագրավորված են համբուրվելու համար և միայն դրան են սպասում: Եթե դուք դա հասկանաք, ապա և´ շատ համբույրներ, և´ մեծ բավականություն կստանաք:

Մարդիկ հեռուստատեսությամբ, կինոնկարներում և գովազդներում համբուրվող դերասանների են տեսնում, փողոցում՝ համբուրվող մարդկանց: Արդյունքում, հայտնի իրավիճակներում համբույրը դիտվում է որպես պարտադիր բաղադրիչ: Ռոմանտիկ իրավիճակներում առաջ է ընկնում ենթագիտակցային կարծրատիպը, և մարդիկ համբուրվելու գրեթե անհաղթահարելի ցանկություն են ունենում, անկախ այն բանից՝ նրանք դա իրոք ցանկանում են, թե՝ ոչ:

Հայտնի համբուրողները

Մի ամերիկացի՝ Ա.Ե. Վոլֆրամը Մինեսոթից, 1990 թ. սեպտեմբերի 15-ին իր նահանգում անցկացվող փառատոնի ժամանակ 8 ժամվա ընթացքում 8001 մարդու է համբուրել: Նա յուրաքանչյուր նոր մարդու համբուրել է ամեն 3,6 վայրկյանը մեկ:

Առաջին համբույր էկրանին. 1896 թ. այն անմահացրել են Մեյ Իրվինը և Ջոն Ս. Ռայենը Թոմաս Էդիսոնի «Համբույր» անունով 30 վայրկյանանոց տեսագրությունում:

Համբույրներով ամենահագեցած կինոնկարը. «Դոն Ժուան»-ն է (1926 թ, Warner Bros. Pictures ընկերություն), որտեղ հաշվել են 191 համբույր:

Կինոյի պատմության մեջ ամենաերկար համբույրը 185 վայրկյան է տևել «You’re in the Army Now» («Դու այժմ բանակում ես», 1940 թ.) կինոնկարում, որը ֆիլմի ողջ տևողության 4%-ն է կազմում:

Հարցեր, պատասխաններ, մեկնաբանություններ