Դեկտեմբերի 22-ին ծնվել է ռուս ռազմական բժիշկ, ռուսական համաճարակաբանության հիմնադիր Դանիել Սամոյլովիչը

Դանիել Սամոյլովիչ ծնվել է 1744 թ. դեկտեմբերի 22-ին Յանովկա գյուղում, քահանայի ընտանիքում: Մեծ բժշկի ազգանունը ծնվելու ժամանակ եղել է Սուշկովսկի, սակայն Կիևի հոգևոր ակադեմիա ընդունվելիս ազգանունը փոխելու ավանդույթ կար:

Մայրը Դանիելին գրանցել է Սամոյլեվիչ ազգանունով (հոր անունով), հենց այս ազգանունով էլ բժիշկը մնաց բժկության պատմությունում:

Ակադեմիայում տղան ծանոթացավ բժշկության ապագա լուսարարներ Ն. Մաքսիմովիչ-Ամբոդիկի, Ա. Իտալիսկու, Մ. Տրոխինովսկու հետ, որոնց հետ ընկերություն է արել իր ամողջ կյանքի ընթացքում: Նրանք բոլորն էլ միասին հայտնվեցին այն սակավ ուսանողների շարքում, ովքեր իրենց ուսումը շարունակեցին Պետերբուրգի Ծովակալային հիվանդանոցում:

Այստեղ Սամոյլովիչը մյուս գիտություններից բացի ծանոթացավ նոր առարկայի՝ դեղագիտության հետ, շատ ժամանակ անցկացրեց գրադարանում և բուսաբանական այգում: Պետերբուրգից հետո սովորել է Ստրասբուրգի համալսարանում և 1768 թ. աշխատանքի անցել Կոպորսկու գնդի հոսպիտալում:

Հետևելով գնդին՝ զբաղվում էր ժանտախտի զարգացման հետազոտմամբ: Նա եկավ այն եզրակացության, որ հիվանդությունը տարածվում է հիվանդի հետ շփման, այլ ոչ՝ օդակաթիլային ճանապարհով: Բժշկի հաջորդ քայլը դարձավ այն ժամանակ Մոլդովայում, Ուկրաինայում, Մոսկվայում տարածված համաճարակի դեմ պայքարի եղանակների որոնումը:

Սամոյլովիչն առաջարկեց հակաժանտախտային պատվաստումներ կատարել: Իսկ երբ վանքում ստեղծվեց ժանտախտով հիվանդների  բաց հիվանդանոց, Սամոյլովիչը սկսեց կիրառել համաճարակաբանության առաջին մեթոդները. խմբավորեց հիվանդներին, բուժքույրական անձնակազմին տրամադրեց հատուկ խալաթներ և կոշիկներ, հիվանդների տեղափոխման ժամանակ պայքարում էր կանխարգելիչ միջոցառումների համար: Իհարկե, հետազոտությունների ժամանակ բժիշկն ինքը չխուսափեց հիվանդությունից. նա երեք անգավ վարակվեց ժանտախտով, բայց լավացավ:

Բացի այդ, Սամոյլովիչը մանկաբարձության թեմայով թեզ է գրել: Նա անդամակցում էր 12 արտասահմանյան գիտությունների ակադեմիաների, սակայն ռուսական տիրակալները նրան սառնորեն են վերաբերվել, և, չնայած դրան, ռուսական բժշկության պատմության մեջ Սամոյլովիչը համարվում է հայրենական համաճարակաբանության հիմնադիրներից մեկը:

Մահացել է 1805 թ. փոտրվարի 20-ին դեղնախտից:

Հարցեր, պատասխաններ, մեկնաբանություններ