1932 թ. ապրիլի 4-ին ամերիկացի գիտնական Կինգը առաջին անգամ առանձնացրել է վիտամին C (ասկորբինաթթու)

 Վիտամին  С-ն շատ կարևոր է մարդկային օրգանիզմի կենսագործունեության համար։ 1932 թ. ապրիլի 4-ին ամերիկացի կենսաքիմիկոս Չարլզ Գլեն Կինգը առաջին անգամ առանձնացրել է վիտամին C: Նշյալ վիտամինը շատ կարևոր է մարդկային օրգանիզմի կենսագործունեության համար:

Նա հիմնական դեր է կատարում կոլագենի ձևավորման մեջ, որն անհրաժեշտ է հյուսվածքների բջիջների, լնդերի, արյունատար անոթների, ոսկրերի և ատամների  աճի և վերականգնման համար, ինչպես նաև նպաստում է օրգանիզմի կողմից երկաթի յուրացմանը:

Վիտամինների գոյության մասին գիտնականները կռահել էին Կինգի բացահայտումից շատ ավել վաղ։ Դեռևս 1880 թ. ռուս կենսաբան Նիկոլայ Լունինը՝ Տարտուսի համալսարանից, անցկացրեց մկների վրա փորձեր նշյալ ուղղությամբ և իր դիսերտացիոն աշխատանքի մեջ եզրահանգում կատարեց ինչ-որ անհայտ նյութի գոյության մասին, որի ոչ մեծ քանակությունն անհրաժեշտ է կյանքի համար: Այն ժամանակ Լունինի եզրահագումը թերահավատորեն ընդունվեց գիտական հանրության կողմից:

1927 թ. հունգարացի կենսաքիմիկոս Ալբերտ Սենտ-Դյորին առանձնացրեց նյութ, որը, ինչպես արդյունքում ապացուցեց Կինգը, անհրաժեշտ էր օրգանիզմին  լնդախտի կանխման համար: Քրտնաջան հետազոտություններից  հինգ տարի անց Կինգը կիտրոնի հյութից առանձնացրեց այդ նյութը, որն ավելի ուշ կոչվեց վիտամին C:

Նշյալ վիտամինի կառուցվածքային բանաձևը բավականաչափ արագ սահմանվեց, և 1933 թ. գիտնական Գովարդն ու Ռեյնստեյնը սինթեզեցին այն: Վիտամին C-ն կամ ասկորբինաթթուն անգույն, ջրում հեշտ լուծելի վիտամին է, պարունակվում է ցիտրուսների, որոշ հատապտուղների և կանաչ բանջարեղեն մեջ: Օրգանիզմների մեծամասնությունն այն սինթեզում է  գլյուկոզայից, մարդու օրգանիզմը ստանում է միայն սննդի հետ:

Մարդու համար վիտամին C-ն շատ կարևոր է: Այն նպաստում է վերքերի բուժմանը, խոլեսթերինի մակարդակի իջեցմանը, պաշտպանում է վարակներից, կանխարգելում թրոմբների առաջացումը: Վիտամին C-ի անհրաժեշտությունը մեծանում է հիվանդությունների, սթրեսների, թունավոր ազդեցությունների ենթակայության դեպքում: Վիտամինը մասնակցում է կյանքի համար  անհրաժեշտ քիմիական նյութերի մշակմանը, օգնում է օրգանիզմը թույներից մաքրելուն: Գիտնականները եկել են այն եզրահանգման, որ վիտամին C-ի անբավարար քանակը հանգեցնում է օրգանիզմի ծերացմանը:

Հարցեր, պատասխաններ, մեկնաբանություններ