Մեր հարցմանը պատասխանում է ԵՊԲՀ ուսումնամեթոդական վարչության պետ Մարինա Հայրապետյանը

Ի լրացումն 20.01.2010թ. թիվ 02/01 «Գիտելիքների ստուգման թեստային մեթոդների միասնականության մասին մեթոդական ցուցումների» և ի փոփոխումն ուսումնական գծով պրոռեկտորի 17.10.2011թ. թիվ 02-36/21 շրջաբերականի՝ ամբիոնների վարիչներին տրվել են նոր հանձնարարականներ՝ հարցումների և քննությունների գնահատականների ձևավորման նոր կարգի վերաբերյալ:

Ասացեք խնդրեմ, որո՞նք են այն փոփոխությունները, որոնք այսուհետև կկիրառվեն գնահատման համակարգում:

Հիշյ ալ շրջաբերականը պահանջում է հարցման ժամանակ բոլոր ճիշտ պատասխան տրված թեստե րի քանակն արտացոլող թիվը բազմապատկել 0.2 գործակցով՝ չամբողջացնելով ստացված գնահատականը:

• Կիսամյակային գնահատականը ձևավորել՝ դուրս բերելով կիսամյակի հարցումների գնահատականների միջին թվաբանականը: Արդյունքը չամբողջացնել:

• Քննությունների ժամանակ բոլոր ճիշտ պատասխան տրված թեստերի քանակն արտացոլող թիվը բազմապատկել 0.1 գործակցով՝ չամբողջացնելով ստացված գնահատականը:

• Վերջնական գնահատականը ձևավորել՝ հաշվելով կիսամյակային և միայն դրական քննական գնահատականների միջին թվաբանականը: Արդյունքն ամբողջացնել մաթեմատիկայի կանոններով (օրինակ՝ 4.4=4.0 կամ 4.5=5.0 և այլն) և անցկացնել տեղեկագրում ու ստուգման գրքույկում:

• 100 թեստից բաղկացած քննական տարբերակի դեպքում «դրական» համարել 5.1-ը (առնվազն 51 ճիշտ թեստ), իսկ 50 թեստի պայմաններում՝ 5.2 (առնվազն 26 ճիշտ թեստ) քննական գնահատականը:

Վերջնական գնահատականի ձևավորման մեկ օրինակ՝

1-ինհարցում՝ 22 (ճիշտ պատասխան) X 0.2 = 4.4

2-րդհարցում՝ 24 (ճիշտ պատասխան) X 0.2 = 4.8

Կիսամյակային գնահատական (4.4+4 8)/ 2 = 4.6

Քննություն՝ 51 (ճիշտ պատասխան) X 0.1 = 5.1

Վերջնական գնահատական՝ (5.1+4.6) / 2 = 4.85 X 5

• Անբավարար (5.0 և ցածր) քննական գնահատականը չմիջինացնել տարեկանի հետ, այլ ամբողջացնել և ամրագրել քննական տեղեկագրում հետևյալ կերպ:

100 թեստի պայմաններում մինչև 10, իսկ 50 թեստի պայմաններում մինչև 5 ճիշտ լուծված թեստերը գնահատել 1:

100 թեստի պայմաններում 4550, իսկ 50 թեստի պայմաններում 2325 թեստին ճիշտ պատասխանելու դեպքում նշանակել «4»: Մնացած դեպքերում ամբողջացումը կատարել մաթեմատիկայի կանոններով:

• Վերոնշյալ կարգը կիրառել առաջին, երկրորդ նաև մարման շրջաններում:

• Այս կարգի կիրառման արդյ ունքում ավելորդ են դառնում գնահատման սանդղակները, ուստի դրանք այլևս չեն գործում:

2.Մարման շրջաններում կիսամյակային գնահատականը մնում է անփոփոխ:

3.Ձախակողմյան ստուգարքով ավարտվող առարկաների դեպքում ստուգարքը նշանակվում է միայն բոլոր հարցումներից «բավարար» գնահատականներ ստանալու դեպքում: Օրինակ՝

1ինհարցում՝ 32 (ճիշտ պատասխան) X 0.2 = 6.4,

2րդհարցում՝ 25 (ճիշտ պատասխան) X 0.2 = 5.0

(անբավարար գնահատական): Այս դեպքում ձախակողմյան ստուգարք չի նշանակվում: Անբավարար գնահատված հարցումը վերահանձնվում է տվյալ կիսամյակի վերջին շաբաթվա ընթացքում, որի դրական լինելու դեպքում դրվում է ձախակողմյան ստուգարքը: Մարման շրջաններում վերահանձնվում է միայն անբավարար գնահատված հարցումը:

Շնորհակալություն տեղեկատվության համար: Համոզված եմ՝ այն չափազանց օգտակար կլինի նաև ուսանողների համար:

Հարցեր, պատասխաններ, մեկնաբանություններ