Սննդամթերքի 5 տեսակներ, որոնք կարող են հանգստյան օրերի խումարը վերացնել. news.am

Երեկույթն, անխոս, ակտիվ հանգստի գերազանց միջոց է համարվում: Միակ խնդիրն այն է, որ հաջորդ օրը, շատ խմելու արդյունքում, կարող եք «խումար» անվամբ հայտնի տխուր կացության մեջ հայտնվել, որի դեմ, սակայն, դիետոլոգ Ջուլի Զումպանոն՝ Քլիվլենդի կլինիկայից, մի շարք փրկարար սննդատեսակներ է առաջարկում: Նրա հավաստիացմամբ, յուղոտ ուտելիքը, սուրճը եւ հատկապես ալկոհոլը, չնայած տարածված կարծիքին, չեն կարող խումարը բուժել: Փոխարենը նա առաջարկում է հետեւյալը փորձել՝ կյանքը նորմալ հունի վերադարձնելու համար.

1. Սպորտային, էլեկտրոլիտներով հարուստ ըմպելիքներ

Դեպի ապաքինում տանող ճանապարհը հիդրատացումից է սկսվում: Խումարը, որպես կանոն, ջրազրկումով եւ էլեկտրոլիտների ցածր մակարդակով է զուգորդվում, ինչը երեկոյան անկողին մտնելուց առաջ կամ առավոտյան արթնանալուն պես սպորտային ըմպելիք, կոկոսի ջուր կամ էլեկտրոլիտներով հարուստ որեւէ խմիչք ընդունելով կարող եք վերականգնել: Կամ, պարզապես հաճախակի ջուր խմեք՝ օրգանիզմի՝ խումարից վերականգնումն արագացնելու համար:

2. Սաղմոն

Օրգանիզմում B₆ եւ B₁₂ վիտամինների ցածր մակարդակn ավելորդ լարվածություն է հաղորդում խումարին, իսկ B վիտամինով հարուստ սաղմոնը հակառակ ազդեցությունը կապահովի:  

3. Մանգո եւ այլ մրգատեսակներ

Գիտական վկայություն կա առ այն, որ մեղրի եւ մրգերի բաղադրության մեջ առկա բնական շաքարը կարող է օրգանիզմից ալկոհոլի հեռացման գործընթացնի արագացման հանգեցնել: Այդ տեսանկյունից լավ ընտրություն են մանգոն, խաղողը, տանձը եւ ձմերուկը: 

4. «Ազնիվ» սննդատեսակներ

«Բանանը, բրինձը, խնձորի պյուրեն եւ կարմրացրած հացն «ազնիվ» սննդատեսակների շարքին են դասվում այն պատճառով, որ չափազանց հեշտ են մարսվում: Բացի այդ, դրանք արյան մեջ շաքարի բաղադրության համար խթան հանդիսացող ածխաջրատների հարուստ պաշար ունեն եւ, խումարից զատ, նաեւ ստամոքսի խանգարման դեմ պայքարին են նպաստում», - մեկնաբանել է դոկտոր Զումպանոն:

5. Կոճապղպեղաբլիթ

Կոճապղպեղաբլիթը ո'չ միայն խումարի, այլեւ սրտխառնոցի դեմ պայքարի արդյունավետ միջոց է:

Հարցեր, պատասխաններ, մեկնաբանություններ