Հունվարի 11-ն ամբողջ աշխարհում նշվում է որպես «շնորհակալության» միջազգային օր

Հոգեբանները վստահ են, որ երախտագիտությունն արտահայտելու խոսքը «բանավոր շոյանք» է, որն ունակ է ջերմություն հաղորդել, փոխել մարդկային փոխհարաբերությունները:

Շնորհակալությունը կախարդական հատկություն ունի, դրա օգնությամբ մարդիկ ցուցադրում են իրենց հարգանքը միմյանց նկատմամբ, դրական զգացումներ փոխանցում: Առանց դրա մեր կյանքը կդառնար դաժան և տխուր:

Շնորհակալություն բառը նպաստում է ծառայությունների և սպասարկման, ինչպես նաև տրամադրության բարձրացմանը: Եվ կարևոր է, որ այն հնչի սրտից որպես երախտագիտության արտահայտություն: 

Իսկ հունվարի 21-ը համարվում է «գրկախառնության» համաշխարհային օր: Ըստ ավանդույթի, այդ օրը գրկախառնվել կարելի է նույնիսկ անծանոթի հետ: Հոգեբանների հարցումների համաձայն, կանանց գրկախառնություններն օգնում են նրանց զգալու սիրված և հաղորդում են մտերմության զգացում: Տղամարդկանց այն տալիս է բավականություն և հանգստություն:   

Հարցեր, պատասխաններ, մեկնաբանություններ