Ինչպես նախապատրաստվել կղանքի հետազոտություն հանձնելուն. abmed.am

Կղանքի քննություն հանձնելուց 3-4 օր առաջ դադարեցնել լուծողականների, գերչակի և վազելինի յուղի, ակտիվացված ածուխի (սորբենտների) ընդունումը և ուղիղաղիքային մոմիկների տեղադրումը: Հոգնայից, ինչպես նաև բարիումի (ռենտգեն հետազոտության ժամանակ) ընդունումից հետո ստացված կղանքը հետազոտության համար պիտանի չէ: Կղանքի նմուշը վերցնելուց առաջ նախ պետք է միզել զուգարանակոնքի մեջ և լվանալ այն: Այնուհետև զուգարանակոնքի կամ պետքամանի մեջ բնական կղազատումից հետո վերցնել արտաթորանքը: Այնուհետև կղանքի միջին մասից գդալիկով վերցրվում է կափարիչով փակվող, մաքուր, մեկանգամյա օգտագործման անոթի մեջ՝ վերջինիս ծավալի 1/3-ի չափով: Եթե կղանքը երեկոյան է վերցրվել, թույլատրվում է գիշերն այն պահպանել սառնարանում՝ 2-8°С ջերմաստիճանում: Առավոտյան անհրաժեշտ է կղանքը ներկայացնել լաբորատորիա:

Կղանքն ածխաջրերի կապակցությամբ հետազոտելու համար պետք է կղանքային զանգվածները հավաքել հեղուկ մասի հետ: Բացառել տակդիրների և այլ ներծծող նյութերի կիրառումը: Թարմ հավաքված կղանքը հնարավորին շուտ հասցվում է լաբորատորիա, կամ սառեցվում է և այդ վիճակում հասցվում:

Կղանքը թաքնված արյան համար հանձնելու նպատակով պահանջվում է հատուկ նախապատրաստում՝ կեղծ դրական ռեակցիաները բացառելու համար. այս քննությունից երեք օր առաջ անհրաժեշտ է սննդակարգից բացառել միսը, լյարդը, արյունային երշիկը և երկաթ պարունակող բոլոր մթերքները (խնձոր, բուլղարական պղպեղ, սպանախ, սպիտակ լոբի և այլն): Կղանքը պետք է ստանալ առանց հոգնայի և լուծողականների կիրառման: Կղանքը հավաքվում է մոտավորապես մեկ թեյի գդալի ծավալով՝ հատուկ անոթի մեջ, որը կարելի գնել դեղատնից կամ ստանալ մեզ մոտ: Նյութը տրամադրվում է լաբորատորիային 5 ժամվա ընթացքում:

Հարցեր, պատասխաններ, մեկնաբանություններ