Նորվեգացի գիտնականները փոքրիկ սարք են ստեղծում արյան ակնթարթային հետազոտության համար. 1in.am

Նորվեգական Spin Chip Diagnostics ընկերությունը մտադիր է 2-3 տարի հետո շուկայում ներկայացնել նոր սարքավորում, որի օգնությամբ բժիշկները կարող են հաշված րոպեների ընթացքում ստանալ պացիենտների արյան հետազոտության պատասխաններն` առանց լաբորատորիա ուղարկելու, գրում է TASS-ը:

Հեղինակավոր բուհի բազայի հիման վրա ստեղծված ընկերությանը հաջողվել է 37 մլն կրոնի ներդրում ձեռք բերել և այժմ սկսում է փոքրիկ սարքավորման կոմերցիոն նախատիպի մշակման գործընթացը, որը 2008թ. սկսել էր նորվեգացի բժիշկ Սթիգ Մուրթեն Բուրշը:

Սարքն իր չափերով և օգտագործման հեշտ եղանակով կարելի է համեմատել սեղանի սրճեփի հետ: Բավական կլինի նրա մեջ տեղադրել արյան կաթիլով պլաստիկե քարթրիջը, և մի քանի րոպե անց կստացվեն հետազոտության պատասխանները` լաբորատոր փորձաքննության ճշգրտությամբ:

Այժմ սարքին «սովորեցնում են» հնարավորինս կարճ ժամանակահատվածում ախտորոշել սրտամկանի կաթվածը, որն առանց արյան հետազոտության հնարավոր չէ ախտորոշել և ժամանակին անհրաժեշտ օգնություն ցուցաբերել պացիենտին:

Հարցեր, պատասխաններ, մեկնաբանություններ