Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Առողջապահություն 2.2012

Իմ հաջողությունները գործընկերներիս հաջողություններն են. հարցազրույց բ.գ.դ., պրոֆեսոր Սմբատ Դաբաշյանի

Իմ հաջողությունները գործընկերներիս հաջողություններն են. հարցազրույց բ.գ.դ., պրոֆեսոր Սմբատ Դաբաշյանի

Հարցազրույց ՀՀ ԱՆ պրոֆեսոր Ռ. Յոլյանի անվան արյունաբանական կենտրոնի տնօրեն, բ.գ.դ., պրոֆեսոր Սմբատ Դաբաշյանի հետ

 

Ինչո՞ւ ընտրեցիք բժշկի մասնագիտությունը:

 

- Մասնագիտությանս ընտրության հարցում էական դեր է ունեցել տատիկս: 

 

Եղեռնի տարիներին նա գաղթել էր Արևմտյան Հայաստանից և առողջական լուրջ խնդիրներ ուներ: Նրան անընդհատ բժշկի օգնություն էր հարկավոր: Ականատես լինելով այս ամենին, դեռ մանկուց սկսեցի հասկանալ, որ բժշկությունն ամենաանհրաժեշտ, պիտանի, մարդասիրական ու կարևոր մասնագիտությունն է: 

 

Ի վերջո, դպրոցական տարիքում վերջնականապես որոշեցի բժիշկ դառնալ, օգնել բոլոր նրանց, ովքեր տատիկիս նման մասնագիտական օգնության կարիք ունեն. ընդունվեցի Երևանի պետական բժշկական ինստիտուտի բուժական ֆակուլտետը:

 

Մասնագիտությունը սովորաբար փոխում է մարդու բնավորությունը: Ինչպե՞ս է դա արտահայտվում Ձեզ մոտ առօրյայում և ընտանեկան կյանքում:

 

- Մասնագիտությունս տարիների ընթացքում ապրելակերպ է դարձել:«Սպիտակ խալաթավորին» հատուկ հատկանիշները կամա թե ակամա արտահայտվում են նաև առօրյայում: Կինս հաճախ հիշեցնում է գործնական միջավայրում չլինելուս մասին: Բժիշկներիս հատուկ է մտերիմների առողջության հանդեպ երբեմն խուճապի աստիճանի հասնող հետևողականությունը: 

 

Պարոն Դաղբաշյան, աշխատավայրում այդքան զբաղված լինելով հանդերձ, որքա՞ն ժամանակ եք տանը լինում և ինչպե՞ս եք հանգստանում:

 

- Աշխատանքի բերումով բավական ուշ եմ տուն գալիս, հետևաբար քիչ ժամանակ եմ ընտանիքիս հետ լինում: Իրականում տանը, ընտանիքի հետ լինելն իրոք երջանկություն է, սիրում եմ կնոջս ու զավակներիս հետ զբոսնել, տղաներիս հետ շախմատ խաղալ, հեռուստացույց դիտել, համակարգչով զբաղվել, դասական երաժշտություն լսել: Երբեմն ընկերներս են երեկոյան հյուընկալվում մեր տանը, մանավանդ, երբ հայրիկս գյուղից տնական գինի է ուղարկում: 

 

Շատ եմ սիրում բնության գրկում լինել, հատկապես հայրենի Բերդավանի անտառներում: Սիրում եմ հանգստանալ ծովափին: Վերջերս, մասնագիտականից բացի, սկսել եմ գեղարվեստական գրականություն կարդալ: 

 

Ըստ իս, ամենամեծ հանգստությունը մարմնի և հոգու ներդաշնակությունն է: Ընտանիքով հաճախ ենք եկեղեցի գնում: Վերջերս ուխտագնցության էինք մեկնել Երուսաղեմ, այցելեցինք Քրիստոսի գերեզմանին, կարող եմ ասել, դա էր երկրային ամենամեծ հանգստությունը: 

 

Ձեզ կարելի՞ է հանդիպել խոհանոցում` պատրաստելիս:

 

- Ո´չ: Խոհանոցում լինում եմ միայն համտեսողի դերում: Հիմնականում ընթրիքից հետո եմ տանը լինում, կինս ստիպված է ինձ առանձին կերակրել: Ասեմ ավելին, սիրում եմ համեղ ուտեստներ, նախընտրում եմ ֆրանսիական խոհանոցը, քիմքիս հաճելի են նաև արաբական խոհանոցի կերակուրները: Հայկական ուտեստներից տոլմա եմ սիրում, հաճույք եմ ստանում կնոջս պատրաստած աղցանները համտեսելիս: Ի դեպ նշեմ, որ նա շատ համեղ է պատրաստում:

 

Ձեր կինը բժշկուհի է: Արդյո՞ք դա օգնում է, որ միմյանց ավելի լավ հասկանաք: 

 

- Իմ կարծիքով, առողջ ընտանիքի համար էական չէ, թե որ բնագավառից են ամուսինները, կարևորը նրանց ինտելեկտուալ մակարդակն է: Կինը պետք է լինի լավ մայր ու լավ ընկեր: Երեխաների խնամքի, դաստիարակության դժվարին գործն ընկած է կնոջս ուսերին:

 

Որպես հայր և բժշկի դժվարին ճանապարհն անցած անհատ, Ձեր զավակներին տեսնո՞ւմ եք Ձեր բնագավառում:

 

- Իրականում կցանկանայի, որ տղաներս էլ բժիշկ դառնային, այս մասնագիտությունը բոլոր ժամանակների համար պահանջված է: Նախընտրելի է նաև կենսաբանի աշխատանքը, այն այսօր բավական մեծ պահանջարկ ունի: Բայց մասնագիտության հարցում զավակներս նախընտրում են մոր կարծիքը: Մեծ տղաս` Սարգիսը, 12 տարեկան է, նախապատվությունը տալիս է տեխնիկական, տնտեսագիտական ոլորտներին, գերազանց տիրապետում է գերմաներենին, անգլերենին և ռուսերենին` աչքաթող չանելով մայրենի լեզուն: Իսկ ահա փոքր տղաս, որը 7 տարեկան է, դեռևս չի կողմնորոշվել այս հարցում, իրեն հիմա ավելի շատ գրավում են խաղերն ու սպորտը: Դեռ ժամանակ կունենանք Տիգրանին ուղղորդելու: Ամեն դեպքում ինչ մասնագիտություն էլ որ ընտրեն, կարևոր է, որ լավ մարդ, լավ մասնագետ դառնան: 

 

Աշխատանքային հոգնածությունն ու լարված օրը բերո՞ւմ եք տուն և, հակառակը, ընտանեկան խնդիրները աշխատավայր հասնո՞ւմ են:

 

- Ծանր աշխատանքային օրը կարող է տուն «հասնել», բայց ընտանեկան ջերմ մթնոլորտը մոռացնել է տալիս ամեն ինչ և ստիպում խառնվել ընտանեկան աշխուժությանը: 

 

Փոքր տղաս սիրում է, երբ քնելուց առաջ իր համար հեքիաթ եմ կարդում կամ հորինում, բայց, անկեղծ ասած, վերջերս նախընտրում է կարդալու տարբերակը, գուցե հորինելն ինձ մոտ այդքան էլ լավ չի ստացվում: 

 

Ցավոք, ընտանեկան խնդիրները ևս աշխատավայր են «հասնում», որոնք հանգեցնում են տրամադրության անկման, որն էլ իր հերթին կարող է ազդել աշխատակիցների կամ հիվանդների հետ հարաբերությունների վրա: Բայց ամեն դեպքում փորձում եմ իրար չխառնել անձնականն ու գործնականը, ամենակարևորն այն է, որ հիվանդները դրանից չտուժեն: 

 

Ուզում եմ հիշեք Ձեր գործնական առաջին հաջողությունը, ասել է թե առաջին բուժված հիվանդին: 

 

- Երկրորդ կուրսում էի, երբ զորակոչվեցի բանակ և ծառայեցի որպես բուժակ: Այստեղ դրվեց պատասխանատու աշխատանքիս սկզբնաքարը: Եվ այսպես սկսվեց իմ` որպես վիրաբույժի կարիերան: Բանակում համոզվեցի, որ ճիշտ մասնագիտություն եմ ընտրել: 

 

Լինելով բժիշկ, հարկ եղած դեպքում դիմո՞ւմ եք համապատասխան մասնագետի, թե՞ Դուք էլ բժշկի դիմելու բարդույթ ունեք:

 

- Ես ու ընտանիքիս անդամները միշտ ճիշտ ժամանակին ենք դիմում բժշկի: Չեմ ընդունում ինքնաբուժման սկզբունքը, որը շատ բժիշկների մոտ բնավորություն է դարձել: 

 

Խնդրում եմ ասեք, թե որո՞նք են այն սկզբունքային բարեփոխումները, որ Ձեր ղեկավարման տարիներին կատարվել են արյունաբանական կենտրոնում և կան արդյո՞ք բացթողումներ: 

 

- Արյունաբանությունը բժշկության կարևոր օղակներից է: 2001 թ. նշանակվելով ՀՀ ԱՆ պրոֆեսոր Ռ.Հ. Յոլյանի անվան արյունաբանական կենտրոնի տնօրեն, իմ առջև դրեցի կենտրոնի վերակառուցման հարցը: Դժվար Ժամանակներ էին. ինստիտուտը կուտակված պարտքեր ուներ, կար լուծարման խնդիր: Անհրաժեշտ էր առաջին հերթին ճիշտ կողմնորոշվել: Ժամանակ չկորցնելով` հանդիպեցի երջանկահիշատակ վարչապետ Անդրանիկ Մարգարյանին: Լինելով իր գործի գիտակ մարդ, զրույցից հետո կարևորեց կենտրոնի նշանակությունը, հանձնարարեց հանել լուծարման որոշումը, որին հաջորդեցին վերակառուցման աշխատանքները: Սկզբում արյան բաղադրիչների պակաս կար: Այդ խնդիրն այսօր լուծվել է: Մշակվեց մի քաղաքականություն, ըստ որի յուրաքանչյուր հիվանդանոցի արյան բաժանմունք սկսեց ավելի շատ արյուն հավաքագրել: Ուրախությամբ կարող եմ փաստել, որ այսօր այնքան շատ արյան բաղադրիչներ ունենք, որ երբեմն բաժանմունքների բժիշկները բողոքում են դրանց ավելցուկից: Այժմ գոյություն ունեն դոնորների ռեգիստրը համակարգող ծրագրեր, որոնք բժշկին կօգնեն արյան անհրաժեշտ բաղադրիչներ ձեռք բերելու գործում:

 

Բարեփոխվում է նաև արյան դոնորության մասին ընդունված ՀՀ օրենքը: Այսօր ՀՀ նախագահի հանձնարարականով և ՀՀ առողջապահության նախարարության միջնորդությամբ կենտրոնը հիմնովին վերակառուցվում է: Նախատեսված է բացել մանկական օնկոհեմատոլոգիական կենտրոն և ոսկրածուծի փոխպատվաստման բաժանմունք: Սա առաջիկա հինգ տարիներին իրականացվելիք ծրագիր է: Մեր բուժհիմնարկը դառնալու է տարածաշրջանային կարևորություն ունեցող կենտրոն: Ծրագրին աջակցում է «Նվիրիր կյանք» բարեգործական կազմակերպությունը` հանրապետության առաջին տիկին Ռիտա Սարգսյանի ղեկավարությամբ: 

 

Ցավում եմ, որ շատերն առողջական խնդիրներից ելնելով` մեկնում են արտասահման: Սա լուրջ խնդիր է, որի լուծման միակ ճանապարհը միջազգային չափանիշներին համապատասխան բուժման նորագույն մեթոդների ներդրումն է:

Հեղինակ. Տաթև Առաքելյան
Սկզբնաղբյուր. Առողջապահություն 2.2012 (295)
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Share |

Հարցեր, պատասխաններ, մեկնաբանություններ

Կարդացեք նաև

Մուտք` հարուստ կենսափորձով. պրոֆեսոր Դերենիկ Դումանյանը` ՀՀ առողջապահության նախարար
Մուտք` հարուստ կենսափորձով. պրոֆեսոր Դերենիկ Դումանյանը` ՀՀ առողջապահության նախարար

Հանրահայտ ճշմարտություն է` մարդն իր գործում առավել հաջողակ է, երբ այս կամ այն հանգրվանին հասնում է աստիճան առ աստիճան, երբ առաջ մղող ուժը նվիրումն ու վստահված գործը պատվախնդրորեն կատարելն է...

ՀՀ օրենսդրությունը բուժօգնություն ստանալու իրավունքի մասին
ՀՀ օրենսդրությունը բուժօգնություն ստանալու իրավունքի մասին

Բժշկագիտության զարգացման ներկայիս փուլում մարդու բուժօգնությունը հնարավոր է կազմակերպել հիմնականում նրան զերծ պահելով ցավից և տառապանքներից...

ՀՀ օրենքներ
Երեկո` նվիրված առողջության պահպանման նվիրյալներին
Երեկո` նվիրված առողջության պահպանման նվիրյալներին

Հունիսի 21-ին մեր երկրում հերթական անգամ նշվեց բուժաշխատողի օրը, որը կազմակերպել էին ՀՀ առողջապահության նախարարությունն ու Հայաստանի առողջապահության աշխատողների արհեստակցական կազմակերպությունների հանրապետական միությունը...

Իրադարձություններ Հայաստանում
Հակամանրէային դեղերի նկատմամբ կայունությունն ու դրա լայն տարածվածությունը` արդի գերխնդիրներից է
Հակամանրէային դեղերի նկատմամբ կայունությունն ու դրա լայն տարածվածությունը` արդի գերխնդիրներից է

Շնչառական վիրուսային սուր հիվանդությունների (ՇՎՍՀ) ժամանակ հակաբիոտիկների անհիմն նշանակումը հակաբիոտիկակայունության ձևավորման վտանգավոր գործոններից մեկն է...

Դեղամիջոցներ Վարակաբանություն
Բժշկական ասոցիացիաների Եվրոպական ֆորումի և Առողջապահության համաշխարհային կազմակերպության ղեկավար կազմի համաժողովը Երևանում
Բժշկական ասոցիացիաների Եվրոպական ֆորումի և Առողջապահության համաշխարհային կազմակերպության ղեկավար կազմի համաժողովը Երևանում

Սույն թվականի ապրիլի 19-20-ը Երևանի «Արմենիա Մարիոթ» հյուրանոցի« Տիգրան Մեծ» դահլիճում Հայկական բժշկական ասոցիացիան կազմակերպել էր Բժշկական ասոցիացիաների եվրոպական ֆորումի (ԲԱԵՖ) և Առողջապահության...

Իրադարձություններ Հայաստանում Միջոցառումներ
Համակարգչային կախվածություն
Համակարգչային կախվածություն

Արդյո՞ք համակարգչային կախվածությունը պետք է մտցնել հիվանդությունների միջազգային դասակարգման մեջ: Վերջին տարիներին հոգեկան առողջության ոլորտի մասնագետները քննարկում են...

Հոգեկան առողջություն
Առողջությունն ամեն ինչ է, առանց առողջության ամեն ինչ ոչինչ է. հարցազրույց պրոֆեսիոնալ բռնցքամարտիկ Արթուր Աբրահամի հետ
Առողջությունն ամեն ինչ է, առանց առողջության ամեն ինչ ոչինչ է. հարցազրույց պրոֆեսիոնալ բռնցքամարտիկ Արթուր Աբրահամի հետ

Հարցազրույց պրոֆեսիոնալ բռնցքամարտիկ Արթուր Աբրահամի հետ:

Ասում են սպորտն առողջության գրավականն է, սպորտին այդչափ մոտ կանգնած Արթուր Աբրահամն իրեն առողջ մարդ համարո՞ւմ է...

Մարմնամարզություն և սպորտ
Շուրջդաշտանադադարային շրջանում գտնվող կանանց միզարձակման խանգարումների բուժումը Վեզիկարով

Շուրջդաշտանադադարային շրջանը (պերիմենոպաուզա) կնոջ ֆիզիոլոգիական զարգացման ճգնաժամային փուլերից մեկն է: Այն ընդգրկում է նախադաշտանադադարային, դաշտանադադարի և հետդաշտանադադարային փուլերը` սկսած վերջին ինքնաբեր դաշտանից հետո մեկ և ավելի տարի...

Դեղամիջոցներ Պերինատոլոգիա, մանկաբարձություն և ուրո-գինեկոլոգիա Միզային համակարգ
Մարմնի հենաշարժական ապարատ
Մարմնի հենաշարժական ապարատ

Մարմնի հենաշարժական ապարատի հենք հանդիսացող կմախքի ոսկրերն իրար միացնող շարակցահյուսվածքային փակեղների և կապանների միջոցով կազմված բազմաթիվ հոդերը բավարար չեն շարժումներ իրականացնելու համար...

Անատոմիա և ֆիզիոլոգիա
Արթրոզ` հիվանդություն, որը կարելի է կանխել
Արթրոզ` հիվանդություն, որը կարելի է կանխել

Արթրոզը` հոդախտը, հոդերի քրոնիկական հիվանդություն է, որով տառապում է վաթսունն անց մարդկանց գրեթե 80 տոկոսը: Այն առաջանում Է հոդի հաճախակի գերբեռնվածության, վնասման, ներզատական համակարգի, նյութափոխանակության խանգարման, ավելցուկային քաշի...

Վնասվածքաբանություն և օրթոպեդիա
Բերանի խոռոչի ալերգիկ դրսևորումներ

Ալերգիա տերմինն ունի հունական ծագում և նշանակում է օտար ներգործություն: Ըստ էության խոսքը վերաբերում է օրգանիզմի իմունային համակարգի ուրույն ռեակցիային...

Ստոմատոլոգիա Ալերգոլոգիա
Արաբական խալիֆայության հայազգի բախտիշու բժիշկների գերդաստան
Արաբական խալիֆայության հայազգի բախտիշու բժիշկների գերդաստան

Արաբական նվաճումների հետևանքով VII-VIII դարերում Արաբական խալիֆայության իշխանության տակ անցան Պարսկաստանը, Սիրիան, Հայաստանը, Եգիպտոսը, Մարոկկոն, Իսպանիան: Մոլեռանդորեն իսլամ դավանելով հանդերձ` այդ...

Պատմության էջերից
Վագինիզմ մարմինը ցանկանում է, հոգին` վախենում...
Վագինիզմ  մարմինը ցանկանում է, հոգին` վախենում...

Յուրաքանչյուր կին վախենում է «դա» անել առաջին անգամ: Իսկ եթե առաջին անգամ չէ՞: Եթե արդեն հազարերորդ անգամ ցավի հանդեպ վախը, անհարմարության զգացումը, լարվածությունը չեն անցնում, ստիպում են կնոջը ներքուստ...

Սեքսոլոգիա ԿԻՆ: Ինտիմ
Եթե մանկիկը հիվանդացել է
Եթե մանկիկը հիվանդացել է

Երբ երեխան հիվանդանում է, հաճախ չգիտենք ինչպես վարվել, ինչ միջոցներով օգնել նրան այդ վիճակից դուրս գալու համար: Այս հարցերի շուրջ է մեր զրույցը Երևանի 2-րդ բուժմիավորման մանկական պոլիկլինիկայի մանկաբույժ Զարինե Կոջոյանի հետ...

Մանկական հիվանդություններ

Notice: Undefined index: HTTP_X_FORWARDED_FOR in /sites/med-practic.com/classes/flud_class.php on line 33

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ