Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Առողջապահություն 1.2012

Երիտասարդ ձեռքերի գաղտնիքները

Երիտասարդ ձեռքերի գաղտնիքները

Ինչպես հանդեսի նախորդ համարներում նշվել է` տարվա յուրաքանչյուր եղանակի համար մաշկի խնամքի միջոցները տարբեր են: Այդ սկզբունքը գործում է նաև ձեռքերի մաշկի դեպքում, որի խնամքի վերաբերյալ խորհուրդները, ինչպես միշտ, պարզաբանում ենք դեղագործ-կոսմետոլոգ Ելենա Սիմոնյանցի հետ:

 

Դեմքի և ձեռքերի խնամքի միջոցները իրարից գրեթե ոչնչով չեն տարբերվում, սակայն ձեռքերի մաշկի խնամքի միջոցների ընտրության դեպքում պետք է հաշվի առնել այն հանգամանքը, որ օրվա ընթացքում դրանք հաճախ են շփվում ջրի, օճառի, տարբեր լվացող միջոցների հետ, ինչպես նաև ենթարկվում տան և դրսի ջերմաստիճանների միջև եղած տարբերության ազդեցությանը: Ձեռքերի մաշկը, բացառությամբ ներբանների, միշտ մարմնի մյուս մասերի մաշկի համեմատությամբ ավելի չոր է, ուստի դրանց ամենօրյա խնամքը պետք է սովորություն դառնա:

 

Տարվա ցուրտ եղանակին կամ եղանակային տատանումների ժամանակ սառը ջրի հետ շփումից ձեռքերի մաշկը կոշտանում և ճաքճքում է: 

 

Պատճառն այն է, որ տարվա ցուրտ եղանակին կամ եղանակային տատանումների ժամանակ դանդաղում են օրգանիզմի կենսաբանական գործընթացներն ու նյութափոխանակությունը, նվազում է նաև ճարպագեղձերի և քրտնագեղձերի ֆունկցիայի ակտիվությունը, որի պատճառով մաշկի բնական ճարպային շերտը բարակում է, իսկ ջերմային գործոնի հետևանքով եղջերաթաղանթը` հաստանում: Եթե օդի ջերմաստիճանի նվազումը պայմանավորված է եղանակային փոփոխություններով, ապա կարող եք հագնել բրդյա կամ կաշվե ձեռնոցներ: Ամեն անգամ ջրի հետ շփումից հետո անհրաժեշտ է ձեռքերին շատ բարակ շերտով քսուք քսել: Նշենք, որ որքան ջուրը կոշտ է, մաշկն այնքան շուտ է չորանում: Տնային աշխատանք կատարելիս ռետինե ձեռնոցներ հագեք, սակայն 10 րոպեից ոչ ավելի, հակառակ դեպքում դրանք ոչ թե կօգնեն, այլ կվնասեն. ձեռքերը սկսում են քրտնել և մաշկը չորանում է: Եթե ձեռնոցները երկար ժամանակով հագնելու անհրաժեշտություն կա, դրանց մեջ օսլա լցրեք: 

 

Ձեռքերի մաշկի ջրաճարպային հավասարակշռությունը կարելի է կարգավորել տարբեր քսուքների օգնությամբ, որոնց բաղադրության մեջ մեծ քանակությամբ ճարպեր կան: Մասնագետները խորհուրդ են տալիս օգտագործել բնական յուղեր պարունակող քսուքներ, քանի որ դրանք շատ մոտ են ճարպագեղձերից արտադրվող ճարպին: Այդպիսիք են, օրինակ, խաղողի, ծիրանի կամ դեղձի կորիզներից ստացված յուղերը:

 

Եղանակային փոփոխությունների ժամանակ ձեռքերի մաշկն ավելի շատ սնուցման կարիք ունի:

 

Սնուցումեվպաշտպանություն

 

Արմունկները մարմնի այն հատվածներն են, որոնք ամենաշատն են ենթարկվում արտաքին միջավայրի ազդեցությանը: Մաշկի սնուցման և հարթեցման համար կարելի է դրանց կիտրոնի հյութ քսել և մի քիչ պահել ձեթի մեջ: Իսկ առհասարակ ոչ միայն ձեռքերի, այլև ամբողջ մարմնի համար հիանալի մաքրող միջոց է սուրճի մրուրին խառնած մեղրն ու թթվասերը:

 

Սնուցող միջոց է մեղրի, ձվի դեղնուցի ու անուշադրի սպիրտի խառնուրդը: Այն քսում են մաքուր ձեռքերին, 30 րոպե անց լվանում գոլ ջրով:

 

Ձեռքերի մաշկի համար շատ օգտակար է գազարից պատրաստված խյուսը:


Քերած գազարին և ստացված հյութին ավելացրեք մեկ ճաշի գդալ թթվասեր, մեկ թեյի գդալ ձիթապտղի յուղ, լավ խառնեք և քսեք ձեռքերին:

 

Կարտոֆիլից պատրաստված խյուսը հարթեցնում է մաշկը և օգնում մանր ճաքերի վերացմանը:

 

Երկու-երեք խաշած տաք կարտոֆիլից խյուս պատրաստեք` վրան ավելացնելով երկու-երեք ճաշի գդալ կաթ: Խյուսը տարածեք ձեռքերի վրա, պոլիէթիլենային թաղանթով փաթաթեք և բրդյա ձեռնոցներ հագեք: Պահեք մինչև սառչի, այնուհետև տաք ջրով հեռացրեք և սնուցող քսուք քսեք:

 

Կարելի է նաև կեղևը չհեռացրած կարտոֆիլը եփել, տրորել, ավելացնել 50 գ կաթ և մեկ թեյի գդալ ձեթ: Ձիթապտղի յուղը շատ արագ վերականգնում է ճաքճքված մաշկը: Այս միջոցի ազդեցությունն ավելի զգալի կլինի, եթե քնելուց առաջ նախապես ձեռքերը 2-3 րոպե պահեք ջրի մեջ:

 

Մի թափեք ջուրը, որի մեջ կարտոֆիլ կամ բրինձ եք եփել: Դրանք հակամանրէային և փափկեցնող միջոցներ են: Եթե ամեն օր ձեռքերը 5 րոպե պահեք կարտոֆիլի թուրմի մեջ, ապա մաշկը կլինի նուրբ, իսկ եղունգները` ամուր ու չեն շերտավորվի: 

 

Քսուքներ ու մաքրող միջոցներ կարելի է պատրաստել տնային պայմաններում:

 

Ձեռքերի ճաքճքված մաշկի արագ վերականգնմանն օգնում է հետևյալ բաղադրատոմսով պատրաստած մաքրող միջոցը. մեկ ճաշի գդալ մանրացրած երիցուկի, եզան լեզվի և վաղենակի (ՍՈսպվՊցսՈ) չորացրած խոտաբույսերի վրա լցրեք մեկ բաժակ եռացրած ջուր, 2 ժամ թրմեք, քամեք և խառնեք մեկ ճաշի գդալ գլիցերին: Ստացված հեղուկը օրը 2-3 անգամ քսեք ձեռքերին: Դրան կարելի է խառնել նաև մի քիչ սերուցքային կարագ:

 

Մաքրող քսուք` նախատեսված մաշկի բոլոր տեսակների համար:

 

2 թեյի գդալ սուրճի մրուրը 1 ձվի դեղնուցի հետ հարեք, ավելացրեք 2-3 կաթիլ վարդի կամ եղեսպակի յուղ, քսեք նախապես մշակված ձեռքերի մաշկին և մի քանի րոպե շրջանաձև շարժումներով մերսեք և ձեռքերը լվացեք տաք ջրով:

 

Եթե ձեռքերի վերնամաշկը անհարթ է (սագամաշկ), կարելի է առավոտյան և երեկոյան խոզանակով ու օճառափրփրով մաշկը թեթևակի մերսել: Ընդամենը մեկ շաբաթ անց արդյունքը կզգաք:

 

Կարելի է նաև հագնել բամբակե ձեռնոցներ, նախապես դրանք ծածկելով սնուցիչ քսուքի շերտով, թողնել մեկ-երկու ժամ, կամ` նույնիսկ ամբողջ գիշերը:

 

Տաք յուղային լոգանքները և մերսումը նույնպես բարենպաստ ազդեցություն են թողնում ոչ միայն ձեռքերի մաշկի, այլև տրամադրության վրա:

 

Մերսումը զգալիորեն բարելավում է արյան շրջանառությունը, նպաստում է մաշկի ամենախորը շերտերում խոնավության պահպանմանը, հանգստացնում է նյարդային համակարգը, հոգեկան աշխարհի վրա բարերար ազդեցություն է ունենում:

 

Ինքնամերսման դեպքում հիշեք, որ այն պետք է սկսել մատների ծայրից, աստիճանաբար հասնել դեպի ափերը և ավարտել ձեռքի երեսային մակերեսով: Աշխատեք վանել բոլոր այն մտքերը, որոնք առնչություն չունեն տվյալ պահի հետ, այլապես առօրյա կյանքի խնդիրներով պայմանավորված` հուզական լարվածությունը կարող է վերածվել մկանային լարվածության, որի հետևանքով կառաջանա մաշկի գերձգվածություն: Մատների և ափերի վրա կան բազմաթիվ կենսաբանական ակտիվ կետեր, որոնք պատասխանատու են ներքին օրգանների բնականոն աշխատանքի համար: Օրինակ, ցուցամատը տրորելով կարելի է ձերբազատվել վատ տրամադրությունից, իսկ մատնեմատը մերսելով` թուլացնել մագնիսական դաշտի բացասական ազդեցությունը: Ընդհանուր առմամբ ձեռքի բոլոր մասերի պարբերաբար մերսումը թույլ կտա զգալիորեն բարելավել ինքնազգացողությունը:

 

Որքան էլ նուրբ լինի ձեռքերի մաշկը, այն գրավիչ չէ, եթե խնամված ու մաքուր չեն եղունգները: Դրանց հարդարումը պետք է վստահել միայն մասնագետի: Անհրաժեշտ է եղունգները հաճախակի մշակել խարտոցով և փափկեցնող քսուք քսել: Լավ արդյունք են տալիս հատուկ գելերը, որոնք նախատեսված են եղունգների արտաքին շերտի ամրացման համար: Եղունգների լաքը պաշտպանիչ շերտ է, որը պետք է հեռացնել վիտամինացված միջոցներով:

 

Ձմռանը եղունգների շերտավորվելը և կոտրատվելը հաճախակի հանդիպող երևույթներ են: Պետք է ամրացնող միջոցներ օգտագործել, վիտամիններով հարուստ սնունդ ընդունել և մետաղե խարտոց չօգտագործել:

 

Որպեսզի եղունգները չշերտազատվեն` ընդունեք վիտամին A կամ այն պարունակող սննդամթերք: Հիշեք, որ արհեստական եղունգները վնասում են բնական եղունգներին:

 

Օրգանիզմի վերականգնողական գործընթացները, սովորաբար, տարիքի հետ դանդաղում են և մաշկի ամենախորը շերտերում խոնավությունը պակասում է, որը կարելի է կանխել միայն տարբեր միջամտություններով (իոնոֆորեզ, գերձայնային կամ լազերային բուժում), որոնց նպատակն է խոնավության պաշարներ հասցնել մաշկի ամենախոր շերտերին:

 

Գոյություն ունեն մաշկի երիտասարդացման տարբեր միջոցներ:

 

Պարաֆինը` որպես ձեռքերի մաշկի խնամքի միջոց

 

Ձեռքերի համար լայնորեն օգտագործվող (թերևս նաև ամենաարդյունավետ) միջոցը պարաֆինայինն է: Պարաֆինի շերտը կանխում է մաշկի մակերևույթից ջրի գոլորշիացումը և պահպանում է մաշկի խոնավությունը: Տաք պարաֆինի ազդեցության արդյունքում արյան շրջանառությունը լավանում է, ձեռքի հոդերի և մկանների ցավն ու լարվածությունը` վերանում: 

 

Կենսաբանական ակտիվ նյութեր պարունակող կոսմետոլոգիական միջոցներ

 

Մասնագետներն այն կարծիքին են, որ յուրաքանչյուր մարդ պետք է օգտագործի քսուքներ, որոնց բաղադրության մեջ, բացի ավանդական խոնավացնող միջոցներից, կան նաև կենսաբանական ակտիվ նյութեր, որոնք խթանում են մաշկի վերականգնողական համակարգը: Այդ քսուքներն ավելի լավ է օգտագործել քնելուց առաջ, երբ օրգանիզմը պատրաստ է, այսպես կոչված, վերականգնողական ռեժիմի: Մասնագետները 40-ից բարձր տարիքի մարդկանց խորհուրդ են տալիս օգտվել գեղեցկության սրահների կողմից առաջարկվող իոնոֆորեզ կոչվող մեթոդից, որի կիրառման դեպքում կենսաբանորեն ակտիվ նյութերը թափանցում են մաշկի ամենախոր շերտեր, նպաստում նյութափոխանակման գործընթացների բարելավմանը, խթանում բջիջների աճին, որն էլ հնարավորություն է տալիս պահպանելու ձեռքերի «երիտասարդությունն» ու գեղեցկությունը: Հարկ է նշել, որ այս միջամտությունը նպաստում է ոչ միայն վերնամաշկի երիտասարդացմանը, այլև կանխարգելում և բուժում է տարիքային պիգմենտացիան:

Հեղինակ. Սամվել Այվազյան
Սկզբնաղբյուր. Առողջապահություն 1.2012 (294)
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Share |

Հարցեր, պատասխաններ, մեկնաբանություններ

Կարդացեք նաև

Բարեփոխումների գործընթացը շարունակվում է
Բարեփոխումների գործընթացը շարունակվում է

Յուրաքանչյուր երկրի ռազմավարական կարևորագույն խնդիրներից է բնակչության առողջության պահպանումն ու բարելավումը, որոնց պատշաճ կազմակերպումը ենթադրում է առողջապահական որակյալ և մատչելի ծառայությունների ու բուժօգնության ապահովում...

Հրատապ թեմա Հայաստանում
Առողջապահությունը` պետության ուշադրության կենտրոնում
Առողջապահությունը` պետության ուշադրության կենտրոնում

Հարցազրույց ՀՀ ԱԺ առողջապահության, մայրության և մանկության հարցերի մշտական հանձնաժողովի նախագահ,«Արաբկիր» բժշկական կենտրոնի գիտական ղեկավար, Հայաստանի մանկական բժիշկների ասոցիացիայի նախագահ...

Հրատապ թեմա Հայաստանում Բժիշկներ
Վաղվա առողջությունն ապահովագրենք այսօր. «ՌԵՍՈ» ապահովագրական ընկերության
Վաղվա առողջությունն ապահովագրենք այսօր. «ՌԵՍՈ» ապահովագրական ընկերության

Հարցազրույց «ՌԵՍՈ» ապահովագրական ընկերության անձնական ապահովագրական բաժնի պետ Բաբկեն Շահումյանի հետ...

Բժշկական կազմակերպություններ և կենտրոններ
Սթրեսի կառավարման հիմնական ուղիները
Սթրեսի կառավարման հիմնական ուղիները

Սթրեսը վտանգի, մարտահրավերների և միջավայրի փոփոխությունների արդյունքում առաջացած ընդհանուր հարմարվողականության (ադապտացիոն) համախտանիշ է...

Հոգեկան առողջություն
Դեպրեսիա
Դեպրեսիա

Մարդիկ հաճախ իրենց վատ տրամադրությունն արտահայտելու համար օգտագործում են դեպրեսիա, ընկճախտ, ընկճվածություն, տխրություն, թախծոտություն բառերը, սակայն դեպրեսիան ավելին է, քան պարզապես նշված զգացումները: Դեպրեսիան հիվանդություն է...

Հոգեկան առողջություն
Մաշկաբանության և սեռավարակաբանության բժշկագիտական կենտրոնի տեղեկատվություն

Հայաստանում սեռական ճանապարհով փոխանցվող հիվանդությունների` սեռավարակների թվի աճ է արձանագրվել, որին «նպաստել» են բնակչության կենսամակարդակի նվազումը, մարմնավաճառությունը,«սեռական հեղաշրջումը»...

Վեներաբանություն
Կանդիդոզը որպես սեռավարակ
Կանդիդոզը որպես սեռավարակ

Կանդիդոզը որպես սեռական ճանապարհով փոխանցվող հիվանդություն` մեր հանրապետությունում բոլոր սեռավարակների մեջ վերջին 10 տարիների ընթացքում արձանագրված դեպքերի թվով զբաղեցրել է առաջին տեղը...

Վարակաբանություն Պերինատոլոգիա, մանկաբարձություն և ուրո-գինեկոլոգիա Ուրո-անդրոլոգիա Վեներաբանություն
Մարդու մկանային համակարգը
Մարդու մկանային համակարգը

Մարդու հենաշարժական համակարգը բաղկացած է պասիվ և ակտիվ մասերից: Պասիվը ոսկրերն են` միմյանց հետ շփման հատվածներում ծածկված ողորկ հոդային մակերեսներով, դրանց միացնող և շարժումներին որոշակի...

Անատոմիա և ֆիզիոլոգիա
Աճող օրգանիզմի շարժունակության կարգավորումը

Հիպոդինամիան համարվում է դարի, այսպես կոչված` պրոգրեսի հիվանդություն: Դա մարդու շարժողական ակտիվության հարաբերական սահմանափակումն է, որը պայմանավորված է ժամանակակից քաղաքակրթության և գիտատեխնիկական առաջընթացով...

Առողջ երեխա
Ցավոտ դաշտան
Ցավոտ դաշտան

Դաշտանը, որպես Ֆիզիոլոգիական պրոցես, կարող Է ուղեկցվել մի շարք տհաճ զգացումներով: Աղջիկներնի ու կանանց մեծամասնությունը դրանից 1-2 օր առաջ նկատում է թեթևակի տկարություն, կրծքագեղձերի կոշտացում...

Առողջ կին Պերինատոլոգիա, մանկաբարձություն և ուրո-գինեկոլոգիա ԿԻՆ: Ինտիմ
Պտղի իրավունքը
Պտղի իրավունքը

Պտղի բազմաթիվ արատներ հնարավոր է շտկել ներարգանդային շրջանում: Սա բուժման նոր մեթոդ է, որը կոչվում է «պտղի բժշկություն»: Այն արդեն հաջողությամբ կիրառվում է ԱՄՆ-ի և եվրոպական երկրների բազմաթիվ բուժհաստատություններում...

Պերինատոլոգիա, մանկաբարձություն և ուրո-գինեկոլոգիա Բժիշկներ
Երեխայի խնամքը
Երեխայի խնամքը

«Առողջապահություն» հանդեսի խմբագրությանն ուղղված` երեխայի խնամքին վերաբերող բազմաթիվ հարցերի պատասխանում է Երևանի 2-րդ բուժմիավորման մանկական պոլիկլինիկայի մանկաբույժ Զարինե Կոջոյանը...

Առողջ երեխա
Անպտղությունը դատավճիռ չէ...
Անպտղությունը դատավճիռ չէ...

Ժամանակն անցնում է, իսկ ախտորոշումը դեռևս նույնն է, որը կարծես դատավճիռ լինի: Սովորության համաձայն` կինն այցելում է տարբեր բժիշկների, հետազոտվում է և փորձում գտնել չհղիանալու պատճառները, իսկ անհոգ ամուսինը չի էլ կռահում, որ խնդիրը հենց իր մեջ է...

Անպտղություն ԿԻՆ: Անպտղություն ՏՂԱՄԱՐԴ: Անպտղություն
Առողջ ապրելակերպ սննդակարգի հիմնական սկզբունքները. оգտագործեք մսամթերք, ավելի հաճախ` մսին փոխարինող մթերք
Առողջ ապրելակերպ սննդակարգի  հիմնական սկզբունքները. оգտագործեք մսամթերք,  ավելի հաճախ` մսին փոխարինող մթերք

Ինչու ուտել։ Մսամթերքը կենդանական սպիտակուցների, հանքային նյութերի` ցինկ, մագնեզիում, և որոշ վիտամինների` B, B12, D, գլխավոր աղբյուրն է, ապահովում է օրգանիզմում յուրաքանչյուր բջջի...

Սնունդը և առողջությունը

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ