Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Առողջապահություն 1.2012

Պտղի իրավունքը

Պտղի իրավունքը

Պտղի բազմաթիվ արատներ հնարավոր է շտկել ներարգանդային շրջանում: Սա բուժման նոր մեթոդ է, որը կոչվում է «պտղի բժշկություն»: Այն արդեն հաջողությամբ կիրառվում է ԱՄՆ-ի և եվրոպական երկրների բազմաթիվ բուժհաստատություններում:

 

Ռուսաստանը և Ուկրաինան այդ ուղղությամբ առաջին քայլերն են անում, իսկ Հայաստանում մինչ օրս ախտորոշման նպատակով կատարվում են միայն որոշակի հետազոտություններ: 

 

Բժշկական գիտությունների թեկնածու, Երևանի Մխիթար Հերացու անվան պետական բժշկական համալսարանի մանկաբարձության և գինեկոլոգիայի ամբիոնի դոցենտ, ԼՂՀ մոր և մանկան առողջության պահպանման կենտրոնի մանկաբարձ-գինեկոլոգ Արմեն Բաղդասարյանը վերջերս վերապատրաստվել է փարիզյան առաջատար կլինիկաներից մեկում: Առողջապահության այդ նոր ուղղության մասին է մեր զրույցը:

 

Պարոն Բաղդասարյան, 2011թ. ամռանը վերապատրաստվել եք փարիզյան «Անտուան Բեկլեր» համալսարանական կլինիկայում: Ձեր այցի նպատակն էր ծանոթանալ առողջապահության ոլորտի նոր ուղղությանը` պտղի բժշկությանը: Ինչպե՞ս եղավ, որ մեկնեցիք Փարիզ:

 

- Մեկնել էի արտամարմնային բեղմնավորման ուղղության հիմնադիրներից մեկի` պրոֆեսոր Ռենե Ֆրիդմանի հրավերով: Նա աշխարհում առաջիններից էր, որը դեռ 1982թ. արհեստական բեղմնավորում իրականացրեց:

 

Կարելի է ասել, որ Ֆրիդմանը «սրվակային» երեխաների հայրերից է:

 

- Այո, այդպես է: Այս տարի այդ մեթոդով ծնված աղջիկը կդառնա 30 տարեկան: Ի դեպ, նրա կնքահայրը հենց Ֆրիդմանն է:

 

Դուք աշխատում եք որպես մանկաբարձ-գինեկոլոգ, ինչո՞ւ ձեր ուշադրությունը սևեռեցիք հենց պտղի բժշկությանը: 

 

- Ինձ, ինչպես և մանկաբարձ-գինեկոլոգներից շատերին անհանգստություն է պատճառում պերինատալ, այսինքն` շուրջծննդաբերական շրջանում (մինչև ծննդաբերությունը և դրանից մեկ շաբաթ անց) մահվան դեպքերի աճը, իսկ պտղի բուժումը նպաստում է այդ ցուցանիշների նվազմանը: Ռենե Ֆրիդմանը մասնակցում էր Հայաստանում ռեպրոդուկտոլոգիայի` վերարտադրողականության հարցերին նվիրված գիտաժողովին: Նրա հետ հանդիպումը կանխորոշիչ եղավ իմ վերապատրաստման հարցում, որը կես բառից ընկալեց իմ հետաքրքրությունը այդ նոր ասպարեզի նկատմամբ և հրավիրեց Ֆրանսիա` վերապատրաստվելու: Հասկացա, թե ինչպես են պայքարում դեռ աշխարհ չեկած երեխայի համար, որտեղ անգամ իրավաբանական հասկացություն գոյություն ունի` պտղի իրավունք: Սովորաբար, երբ մեզ մոտ պարզվում է, որ պտուղն արատ ունի, հղիությունն ընդհատում են: Եվ այդպես են վարվում գրեթե ամբողջ հետխորհրդային տարածքում: Ապշեցի, երբ տեսա, թե Շվեդիայից ժամանած մասնագետները ինչպես էին ջանում փրկել ակնհայտ լուրջ շեղում ունեցող պտղի կյանքը: Զարմանքիս շատ տրամաբանական պատասխան տրվեց` Շվեդիայում մանկածնության մակարդակը չափազանց ցածր է, և շատ հավանական է, որ առաջին հղիությունից հետո կինը հղիանալու հնարավորություն այլևս չունենա: Սա ոչ միայն այլ մոտեցում է, այլև յուրատեսակ մտածելակերպ: Եթե մեր երկրում ծննդաբերող կնոջը հայտնում են, որ երեխան կարող է արատով ծնվել, նա ինքն է պարտադրում, որ հղիությունն ընդհատեն:

 

«Անտուան Բեկլեր» կլինիկայում ո±վ էր ձեր ղեկավարը: Ի՞նչ վիրահատությունների եք ներկա եղել:

 

Բժշկական գիտությունների թեկնածու, Երևանի Մխիթար Հերացու անվան պետական բժշկական համալսարանի մանկաբարձության և գինեկոլոգիայի ամբիոնի դոցենտ, ԼՂՀ մոր և մանկան առողջության պահպանման կենտրոնի մանկաբարձ-գինեկոլոգ Արմեն Բաղդասարյան- Ինձ աջակցում էր մանկաբարձության և գինեկոլոգիայի կլինիկայի ղեկավար, պրոֆեսոր Ալեքսանդրա Բենաչին: Ինչ թաքցնեմ, պարզապես ցնցված էի հզորագույն տեխնիկական սարքավորումների առկայությունից: Նման բան մենք երևի միայն ֆանտաստիկ ֆիլմերում ենք տեսնել: Արտակարգ իրավիճակներում բուժանձնակազմը գործում էր հստակ, առանց ավելորդ բառ փոխանակելու: Ինձ բախտ վիճակվեց ներկա գտնվել մի շարք վիրահատությունների, որոնց մասին մենք միայն տեսականորեն ենք տեղեկացված: Օրինակ, ստոծանու ճողվածքով պտղին վիրահատում են նախքան ծնվելը: Թերևս նման վիրահատություն հնարավոր է կատարել երեխայի լույս աշխարհ գալուց հետո, բայց փորձը ցույց է տալիս, որ ներարգանդային ժամանակահատվածում կատարված վիրահատություններն ավելի լավ արդյունք են տալիս: Հաճախ շտկում են երիկամների, սրտի, միզուղիների շեղումները:

 

Իսկ ուղեղի հետ կապված գործողություններ կատարո՞ւմ են:

 

- Այո: Ինչպես և բազմաթիվ այլ միջամտություններ, ընդհուպ մինչև արյան շրջանառության շտկումը բազմապտուղ հղիության դեպքում:

 

Զարգացած երկրներում, հենց Ֆրանսիայում, ինչպե՞ս են պայքարում վիժումների դեմ:

 

- Արևմտյան երկրներում լայն տարածում ունի ռեկոնցեպտուալ նախապատրաստումը, այսինքն` առողջ երեխա ունենալու նպատակով նախքան հղիությունը ծնողները բազմաթիվ հետազոտությունների են ենթարկվում, այդ թվում` նաև գենետիկական: ԱՄՆ-ի առողջապահության ինստիտուտում հաշվարկել են և պարզել, որ նախածննդաբերական շրջանում ախտորոշում կայացնելու համար ներդրված մեկ դոլարը հինգուկես տարի անց բերում է իննուկես դոլար եկամուտ: 

 

Տեխնիկական առաջընթացից զատ` ուրիշ ի՞նչ կուզենայիք ընդօրինակել Եվրոպայից:

 

- Ինձ հաճելիորեն զարմացրեց այն երևույթը, որ հղի և ծննդաբերող կանայք բոլոր գործողություններին ներկայանում էին իրենց ամուսինների կամ զուգընկերների ուղեկցությամբ: Եվ զգացվում էր, որ դա անկեղծ վերաբերմունք է ու անպայման դրական ազդեցություն կունենա հղիության ընթացքի վրա:

 

Ներարգանդային շրջանում արատների զարգացման վերաբերյալ Հայաստանում և ԼՂՀ-ում վիճակագրական տվյալներ կա՞ն:

 

- Քանի որ ես աշխատում եմ ԼՂՀ-ում, ուստի նշեմ, որ հանրապետության գլխավոր մանկաբույժի տվյալների համաձայն, պերինատալ մահացության բոլոր դեպքերի մեկ երրորդը ներարգանդային շրջանում արատների հետևանք է: Եթե մեզ մոտ կիրառվեն բուժման ժամանակակից միջոցներ, այդ կորուստները հնարավոր կլինի նվազեցնել:

 

Պարոն Բաղդասարյան, ինչո՞վ էր հիմնավորված ձեր կենտրոնում մանկաբարձության և գինեկոլոգիայի ամբիոնի ստեղծումը:

 

- Մեր կենտրոնը Երևանի Մխիթար Հերացու անվան պետական բժշկական համալսարանի կլինիկական բազաներից է: Այդ ամբիոնն անհրաժեշտ է տեղի մասնագետների վերապատրաստման համար: Բացի այդ, մշտապես վերապատրաստման դասընթացներ են կազմակերպվում մանկաբարձների և գինեկոլոգների համար, հնարավորություն է ստեղծվում հետդիպլոմային կրթություն ստանալուն, այսինքն` նպաստում ենք կլինիկական օրդինատորների որակավորմանը: Այդ ամենը կյանքի կոչվեց ԵՊԲՀ ռեկտոր, պրոֆեսոր Դ. Դումանյանի և նույն հաստատության ամբիոնի վարիչ, պրոֆեսոր Գ. Օկոևի ջանքերի շնորհիվ:

 

Ըստ ձեզ` հնարավո՞ր է մոտ ապագայում Հայաստանում և Ղարաբաղում ևս կիրառել պտղի ներարգանդային շրջանում բուժման մեթոդը:

 

- Երևանի առաջատար բուժհաստատություններում բարձրակարգ ախտորոշման բազա գոյություն ունի, ինչը չեմ կարող ասել ԼՂՀ-ի մասին: Համոզված եմ` համապատասխան սարքավորումների առկայության և մասնագետների վերապատրաստման դեպքում պտղի բժշկությունը հնարավոր է կիրառել նաև մեզ մոտ:

Հեղինակ. Ռոզա Եղիազարյանը
Սկզբնաղբյուր. Առողջապահություն 1.2012 (294)
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Share |

Հարցեր, պատասխաններ, մեկնաբանություններ

Կարդացեք նաև

Բարեփոխումների գործընթացը շարունակվում է
Բարեփոխումների գործընթացը շարունակվում է

Յուրաքանչյուր երկրի ռազմավարական կարևորագույն խնդիրներից է բնակչության առողջության պահպանումն ու բարելավումը, որոնց պատշաճ կազմակերպումը ենթադրում է առողջապահական որակյալ և մատչելի ծառայությունների ու բուժօգնության ապահովում...

Հրատապ թեմա Հայաստանում
Առողջապահությունը` պետության ուշադրության կենտրոնում
Առողջապահությունը` պետության ուշադրության կենտրոնում

Հարցազրույց ՀՀ ԱԺ առողջապահության, մայրության և մանկության հարցերի մշտական հանձնաժողովի նախագահ,«Արաբկիր» բժշկական կենտրոնի գիտական ղեկավար, Հայաստանի մանկական բժիշկների ասոցիացիայի նախագահ...

Հրատապ թեմա Հայաստանում Բժիշկներ
Վաղվա առողջությունն ապահովագրենք այսօր. «ՌԵՍՈ» ապահովագրական ընկերության
Վաղվա առողջությունն ապահովագրենք այսօր. «ՌԵՍՈ» ապահովագրական ընկերության

Հարցազրույց «ՌԵՍՈ» ապահովագրական ընկերության անձնական ապահովագրական բաժնի պետ Բաբկեն Շահումյանի հետ...

Բժշկական կազմակերպություններ և կենտրոններ
Սթրեսի կառավարման հիմնական ուղիները
Սթրեսի կառավարման հիմնական ուղիները

Սթրեսը վտանգի, մարտահրավերների և միջավայրի փոփոխությունների արդյունքում առաջացած ընդհանուր հարմարվողականության (ադապտացիոն) համախտանիշ է...

Հոգեկան առողջություն
Դեպրեսիա
Դեպրեսիա

Մարդիկ հաճախ իրենց վատ տրամադրությունն արտահայտելու համար օգտագործում են դեպրեսիա, ընկճախտ, ընկճվածություն, տխրություն, թախծոտություն բառերը, սակայն դեպրեսիան ավելին է, քան պարզապես նշված զգացումները: Դեպրեսիան հիվանդություն է...

Հոգեկան առողջություն
Մաշկաբանության և սեռավարակաբանության բժշկագիտական կենտրոնի տեղեկատվություն

Հայաստանում սեռական ճանապարհով փոխանցվող հիվանդությունների` սեռավարակների թվի աճ է արձանագրվել, որին «նպաստել» են բնակչության կենսամակարդակի նվազումը, մարմնավաճառությունը,«սեռական հեղաշրջումը»...

Վեներաբանություն
Կանդիդոզը որպես սեռավարակ
Կանդիդոզը որպես սեռավարակ

Կանդիդոզը որպես սեռական ճանապարհով փոխանցվող հիվանդություն` մեր հանրապետությունում բոլոր սեռավարակների մեջ վերջին 10 տարիների ընթացքում արձանագրված դեպքերի թվով զբաղեցրել է առաջին տեղը...

Վարակաբանություն Պերինատոլոգիա, մանկաբարձություն և ուրո-գինեկոլոգիա Ուրո-անդրոլոգիա Վեներաբանություն
Մարդու մկանային համակարգը
Մարդու մկանային համակարգը

Մարդու հենաշարժական համակարգը բաղկացած է պասիվ և ակտիվ մասերից: Պասիվը ոսկրերն են` միմյանց հետ շփման հատվածներում ծածկված ողորկ հոդային մակերեսներով, դրանց միացնող և շարժումներին որոշակի...

Անատոմիա և ֆիզիոլոգիա
Աճող օրգանիզմի շարժունակության կարգավորումը

Հիպոդինամիան համարվում է դարի, այսպես կոչված` պրոգրեսի հիվանդություն: Դա մարդու շարժողական ակտիվության հարաբերական սահմանափակումն է, որը պայմանավորված է ժամանակակից քաղաքակրթության և գիտատեխնիկական առաջընթացով...

Առողջ երեխա
Ցավոտ դաշտան
Ցավոտ դաշտան

Դաշտանը, որպես Ֆիզիոլոգիական պրոցես, կարող Է ուղեկցվել մի շարք տհաճ զգացումներով: Աղջիկներնի ու կանանց մեծամասնությունը դրանից 1-2 օր առաջ նկատում է թեթևակի տկարություն, կրծքագեղձերի կոշտացում...

Առողջ կին Պերինատոլոգիա, մանկաբարձություն և ուրո-գինեկոլոգիա ԿԻՆ: Ինտիմ
Երեխայի խնամքը
Երեխայի խնամքը

«Առողջապահություն» հանդեսի խմբագրությանն ուղղված` երեխայի խնամքին վերաբերող բազմաթիվ հարցերի պատասխանում է Երևանի 2-րդ բուժմիավորման մանկական պոլիկլինիկայի մանկաբույժ Զարինե Կոջոյանը...

Առողջ երեխա
Անպտղությունը դատավճիռ չէ...
Անպտղությունը դատավճիռ չէ...

Ժամանակն անցնում է, իսկ ախտորոշումը դեռևս նույնն է, որը կարծես դատավճիռ լինի: Սովորության համաձայն` կինն այցելում է տարբեր բժիշկների, հետազոտվում է և փորձում գտնել չհղիանալու պատճառները, իսկ անհոգ ամուսինը չի էլ կռահում, որ խնդիրը հենց իր մեջ է...

Անպտղություն ԿԻՆ: Անպտղություն ՏՂԱՄԱՐԴ: Անպտղություն
Երիտասարդ ձեռքերի գաղտնիքները
Երիտասարդ ձեռքերի գաղտնիքները

Ինչպես հանդեսի նախորդ համարներում նշվել է` տարվա յուրաքանչյուր եղանակի համար մաշկի խնամքի միջոցները տարբեր են: Այդ սկզբունքը գործում է նաև ձեռքերի մաշկի դեպքում...

Ձեռքերի խնամք
Առողջ ապրելակերպ սննդակարգի հիմնական սկզբունքները. оգտագործեք մսամթերք, ավելի հաճախ` մսին փոխարինող մթերք
Առողջ ապրելակերպ սննդակարգի  հիմնական սկզբունքները. оգտագործեք մսամթերք,  ավելի հաճախ` մսին փոխարինող մթերք

Ինչու ուտել։ Մսամթերքը կենդանական սպիտակուցների, հանքային նյութերի` ցինկ, մագնեզիում, և որոշ վիտամինների` B, B12, D, գլխավոր աղբյուրն է, ապահովում է օրգանիզմում յուրաքանչյուր բջջի...

Սնունդը և առողջությունը

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ