Կոկոսի յուղը՝ արդյունավետ միջոց կարիեսի և լնդերի հիվանդությունների դեմ. 1in.am

Բերանի խոռոչը կոկոսի յուղով ողողելը հին տեխնիկա է, որը մի ժամանակ փոխարինել է ատամի մածուկին և խոզանակին: Հիմա այն վերադառնում է, հայտնում է The Daily Mail-ը: Տեխնիկայի արդյունավետության հետազոտություն է կատարվել: Հետազոտությանը մասնակցել է 16-18 տարեկան 60 մարդ, ովքեր 30 օր բերանի խոռոչը կոկոսի յուղով են ողողել:

Պարզվել է՝ մեկ շաբաթ անց փառի և լնդերի հիվանդությունների ցուցանիշները զգալիորեն նվազել են և շարունակել են նվազել ևս մեկ ամիս: Փորձագետների խոսքով՝ կոկոսի յուղը պարունակում է ճարպաթթուներ, որոնց 45-50%-ը՝ լաուրինաթթուն է, որը հակաբորբոքային և հակամիկրոբային ազդեցություն ունի:

Գործում է նաև հետևյալ մեխանիզմը. փառ ձևավորող միկրօրգանիզմների մեծ մասը բաղկացած է միաբջիջներից: Եվ դրանք ճարպային շերտ ունեն: Ճարպերը ձգում են ճարպերին: Փորձագետները խորհուրդ են տալիս յուղով բերանի խոռոչի ողողումն ավելացնել հիգիենիկ պրոցեդուրաներին: Իհարկե, ատամի խոզանակին այն չի փոխարինի:

Բաղադրատոմսը պարզ է. 1 թեյի գդալ յուղով ողողել բերանը, թողնել մինչև մտնի ատամների միջև՝ 5-20 րոպե: Յուղը կուլ տալ չի կարելի, այն պետք է թքել:

Հարցեր, պատասխաններ, մեկնաբանություններ