Հունվարի 6-ը Քրիստոսի Ծննդյան և Աստվածահայտնության տոնն է Հայաստանում

Հունվարի 6-ին Հայկական Առաքելական եկեղեցին նշում է Աստվածահայտնության և  Հիսուս Քրիստոսի ծննդյան տոները, որոնք սահմանված են ի հիշատակ Հիսուս Քրիստոսի Ծննդյան և Մկրտության իրադարձությունների:

Մինչև 5-րդ դարը բոլոր քրիստոնեական եկեղեցիները Քրիստոսի Ծննդյան և Մկրտության տոները նշում էին հունվարի 6-ին: Հետագայում որոշ եկեղեցիներ սկսեցին Սուրբ Ծնունդը նշել դեկտեմբերի 25-ին: Դա այդպես էր արվել, որպիսի մարդիկ մոռանային այդ օրը նշվող հեթանոսական տոնը:
 
Հայկական եկեղեցին հավատարիմ մնաց հին կարգին և Քրիստոսի Ծննդյան օրը նշում է հունվարի 6-ին: Այդ օրը Հայկական եկեղեցին նշում է նաև Քրիստոսի Մկրտության տոնը:

Սուրբ Ծննդյան տոնի նախօրեին՝ երեկոյան. պատարագ է մատուցվում, որը կոչվում է Ճրագալույցի Պատարագ: Այդ օրը հավատացյալները եկեղեցում մոմ են վառում և այն իրենց հետ տուն են տանում՝ տան լուսավորման ու Քրիստոսի Ծննդյան տոնին նախապատրաստվելու համար:
 
Հաջորդ օրը՝ հունվարի 6-ին, առավոտյան մատուցվում է Ծննդյան պատարագը: Ապա անցկացվում են Քրիստոսի Մկրտության տոնը՝ Ջրօրհնեքի արարողությամբ:

Ջրի մեջ սուրբ Մեռոն է ավելացվում, և ջուրն օրհնվում է աղոթքով: Ավանդույթի համաձայն, արարողությունից հետո հավատացյալները օրհնված ջրից տանում են տուն: Ջուրը կոչվում է մկրտված և հիվանդների համար՝ բուժական միջոց, քանի որ սուրբ ջուրն օժտված է բարերար առանձնահատկություններով: Մկրտված ջուրը պահպանում են և նրան վերաբերում որպես Մեծ սրբության:
           

Հարցեր, պատասխաններ, մեկնաբանություններ