Շնաձկների մի քանի տեսակներ գտնվում են ոչնչացման եզրին. կանադացի գիտնականներ

Շնաձկան միանգամից մի քանի տեսակներ գտնվում են ոչնչացման եզրին: Այս մասին ահազանգել են Կանադայի Նոր Շոտլանդիա նահանգի Դեխաուզի համալսարանի գիտնականները՝ տեղեկացնում է Associated Press-ը: 

Գիտնականների խոսքով՝ շնաձկների անհետացմանն է հանգեցնում ձկների մեծաքանակ որսը, ինչի հետևանքով պոպուլյացիան սկսում է նվազել: 

Բացի այդ՝ մի շարք շրջաններում հենց շնաձկներն են հաճախ դառնում ձկնորսների թիրախ: Այսպես՝ Հարավարևելյան Ասիայում շնաձկների լողակներից պատրաստված ապուրը համարվում է նրբահամ ուտեստ ու մեծ տարածում ունի զբոսաշրջիկների շրջանում: 

Շնաձկները դանդաղ են բազմանում, ինչի պատճառով Համաշխարհային օվկիանոսում ավելի է կրճատվում նրանց թվաքանակը: 

Գիտնականների հաշվարկով՝ միայն 2010թ.-ին սպանվել է ավելի քան 97 մլն շնաձուկ: 2011թ.-ին սպանված շնաձկների թիվը հասել է մինչև 100 մլն-ի: 

2012թ-ին. սպանված շնաձկների հաշվարկը դեռ շարունակվում է, քանի որ գիտնականները օգտագործում են միանգամից մի քանի աղբյուրների տվյալներ:

Հարցեր, պատասխաններ, մեկնաբանություններ