Գերմանացիները գրիչ են ստեղծել, որն ինքն է գտնում սխալները

Գերմանական մի ընկերություն գրիչ է մշակել, որը թրթռում է ամեն անգամ, երբ սխալի է հանդիպում:

Մասնագետները խելացի գրիչը մշակել են հատուկ նրա համար, որպեսզի օգնեն երիտասարդներին ճիշտ գրել, բայց այդ հրաշքը կարող է օգտագործել ցանկացած տարիքի մարդ:

Գրիչը երկու ռեժիմով է աշխատում. գեղագրական՝ ցույց տալով տառերի սխալ ուրվագծումը և ուղղագրական՝ ի ցույց դնելով ինչպես բառերը գրելու սխալները, այնպես էլ՝ կետադրության: Գրիչում ներդրված հաղորդիչը հետևում է, թե ինչպես են տառերը դասավորվում բառերում և դզզում է, եթե սխալ է նկատում, փոխանցում է Yoki-ն:

Գրիչի հեղինակներ Ֆալկ և Մենդի Վոլսկիներն ասում են, որ իրենց ոգեշնչել են իրենց տղայի գրել սովորելու առաջին փորձերը: Նա առաջին բառերից սկսել է սխալներ անել, հոգատար ծնողները որոշել են օգնել նրան:

Հիմա մշակողները սկսել են միջոցներ հավաքել իրենց գրիչի հետագա կատարելագործման համար: Նրանք ուզում են ապագայում դրան ավելացնել փոխանցիչ և համակարգչի հետ կապ ունենալու հնարավորություն տալ: 

Հարցեր, պատասխաններ, մեկնաբանություններ