Չինուհին միաժամանակ գրում է 2 ձեռքով՝ 2 տարբեր լեզուներով (տեսանյութ)

Տեղեկատվական տեխնոլոգիաների բուռն վերելքի դարում մարդիկ արդեն դժվարանում են վարժ ու արագ գրել ավանդական տարբերակով՝ ձեռքով՝ թղթի վրա, իսկ 2 ձեռքով գրելու մասին էլ խոսք լինել չի կարող, գրում է Daily Mail-ը։

Սակայն դա խնդիր չէ չինացի թարգմանչուհի Չեն Սիույանի համար, ով ապշեցնում է բոլորին ոչ միայն միաժամանակ 2 ձեռքով վարժ գրելու ունակությամբ, այլ նաև նրանով, որ նույն ժամանակահատվածում գրում է 2 տարբեր լեզուներով՝ անգլերենով ու չինարենով։

Բացի այդ, 24-ամյա չինուհին նաև կարողանում է միաժամանակ գրել տարբեր ուղղություններով։ Այս զարմանալի արդյունքին Չենը հասել է հազարավոր ժամերի պարապմունքներից հետո։

«Մի անգամ, երբ ես դպրոցական էի, շատ էի շտապում տնային աշխատանքներս ավարտելու հարցում և որոշեցի միանգամից 2 ձեռքով 2 տարբեր առաջադրանք կատարել։ Ի զարմանս ինձ, դա ինձ մոտ շատ հաջող ստացվեց։ Հենց այդպես էլ ես բացահայտեցի իմ կարողությունները»,-պատմել է չինուհին։

Հարցեր, պատասխաններ, մեկնաբանություններ