Շվեյցարիայում մշակվել է «անձնա-հասարակական» տրանսպորտի նախատիպ

Շվեյցարական Rinspeed ընկերությունը, որը հայտնի է իր հետաքրքիր մշակումներով, Ժնևի ավտոսրահում խոսել է իր պլանների մասին: 

Ընկերության ինժեներները մշակել են microMax նախատիպը, որն իրենից ներկայացնում է հասարակական տրանսպորտի ու անձնական ավտոմեքենայի միախառնում, գրում է vesti.ru-ն: 

Ինչպես հայտարարել է ընկերության ղեկավար Ֆրանկ Ռինդեևկնեխտը, նախատիպը հնարավորություն կտա նորովի նայել քաղաքային երթևեկությանը ու վերակազմավորել մեգապոլիսի շարժը: 

Հայեցակարգի հիմքում ավտոմեքենաների համատեղ օգտագործումն է, այսպես կոչված, «շերինգային» կենտրոններում: microMax-ի նախատիպը նախատեսված է հենց քաղաքային համատեղ կարճատև ուղևորությունների համար: 

Չնայած փոքր չափերին, բավականաչափ տեղ է հատկացված վարորդի, 3 ուղևորի ու որոշ քանակի ուղեբեռի համար: Ուղևորները դրանում գրեթե կանգնած են: 

Rinspeed-ը դեռ չի բացում բոլոր խաղաքարտերը՝ խոստանալով անհրաժեշտ տեղեկություններ տրամադրել Ժնևի մարտյան ցուցադրության ժամանակ:

Հարցեր, պատասխաններ, մեկնաբանություններ