Հուլիսի 8-ը՝ Ընտանիքի, սիրո և հավատարմության համառուսական օր

Ամեն տարի հուլիսի 8-ին Ռուսաստանում նշվում է Ընտանիքի, սիրո և հավատարմության համառուսական օրը: Խորհրդանշական է, որ այն առաջին անգամ նշվել է 2008-ին, որն ընտանիքի տարի էր հայտարարված:

Այս տոնը Ռուսաստանում հաստատվել է Պետական Դումայի պատգամավորների նախաձեռնությամբ: Հետաքրքրական է, որ Ընտանիքի օրվա տոնը ողջունվեց Ռուսաստանի բոլոր ավանդական կրոնական կազմակերպությունների կողմից, չէ՞ որ Ընտանիքի, սիրո և հավատարմության համառուսական օրվա գաղափարը դավանանքային սահմաններ չի ճանաչում:

Տոնելու գաղափարը մի քանի տարի առաջ էր ի հայտ եկել Մուրոմ քաղաքի բնակիչների մոտ (Վլադիմիրի շրջանում), որտեղ հանգչում են սուրբ ամուսիններ և քրիստոնեական ամուսնության հովանավորներ Պետրոս և Ֆեվրոնիայի մասունքները, որոնց հիշատակի օրը հուլիսի 8-ն է:

Պետրոսի և Ֆեվրոնիայի կյանքում արտացոլվում են գծեր, որոնք Ռուսաստանի ավանդական դավանանքերը միշտ կապում էին ամուսնության իդեալի հետ, իսկ ավելի կոնկրետ՝ բարեպաշտություն, փոխադարձ սեր և հավատարմություն:
Ընտանիքը նաև օրենքի պաշտպանության տակ է գտնվող շատ կարևոր սոցիալական միավոր է: ՌԴ Սահմանադրության մեջ հստակ ասված է, որ.

1. Ընտանիքը, մայրությունը և մանկությունը պետության պաշտպանության տակ են գտնվում:
2. Երեխաների նկատմամբ հոգատարությունը, նրանց դաստիարակությունը ծնողների հավասար իրավունքն ու պարտականությունն է:
3. 18 տարեկանը լրացած աշխատունակ երեխաները պետք է հոգ տանեն անաշխատունակ ծնողների նկատմամբ:

Նոր ընտանեկան տոնն արդեն «Սիրո և հավատարմության համար» հուշամեդալ ունի, որը շնորհվում է հուլիսի 8-ին, և ունի շատ նուրբ խորհրդանիշ՝ երիցուկը, քանի որ այս դաշտային ծաղիկը Ռուսաստանում հնուց սիրո խորհրդանիշն էր:

Տարեց-տարի Ընտանիքի, սիրո և հավատարմության օրը Ռուսաստանում ավելի հայտնի ու հայտնի է դառնում: Շատ քաղաքներում տեղային իշխանությունների և հասարակական կազմակերպությունների ուժերով տարբեր միջոցառումներ են կազմակերպվում: Ի դեպ, երիտասարդները հավատում են, որ այս օրը կնքված ամուսնությունը երկար և երջանիկ կլինի:

Հիշեցնենք, որ Ընտանիքների միջազգային օրն ամեն տարի մայիսի 15-ին է  նշվում:

Հարցեր, պատասխաններ, մեկնաբանություններ