Մայիսի 27-ը Ցրված սկլերոզի դեմ պայքարի համաշխարհային օրն է

Մայիսի 27-ը Ցրված սկլերոզի դեմ պայքարի համաշխարհային օրն է, որը նշվում է ցրված սկլերոզի ընկերությունների Միջազգային ֆեդերացիայի նախաձեռնությամբ։

Առաջին անգամ այս հիվանդությունն արձանագրվել է 1835թ. ֆրանսիացի բժիշկ Ժ. Կրյուվելյեի կողմից։ Ավելի ուշ բժիշկները նորից բախվել են նման դեպքերի հետ, իսկ 1868թ. ֆրանսիացի նյարդաբան Ժ. Շարկոն ամփոփել է ցրված սկլերոզի պաթոմորֆոլոգիական ախտանշանները  եւ սկսել մշակել դրա ախտորոշման չափորոշիչները։

Ցրված սկլերոզը քրոնիկ աուտոիմունային հիվանդություն է, որի ժամանակ վնասվում է ուղեղի (ինչպես գլխուղեղի, այնպես էլ ողնուղեղի) նյարդային հանգույցների միելինային թաղանթը։ Այս հիվանդության առաջացման պատճառները դեռեւս հայտնի չեն։ Հայտնի է միայն, որ հիմնականում այս հիվանդությունը հանդիպում է 20-40 տարեկան երիտասարդ մարդկանց մոտ եւ հաճախ կարող է հաշմանդամություն առաջացնել, այդ պատճառով ցրված սկլերոզը չի կարող մեկ ընտանիքի խնդիր լինել. սա համամարդկային խնդիր է։

Հարցեր, պատասխաններ, մեկնաբանություններ