Փետրվարի 4-ը՝ Հայաստանում սիրահարների հովանավոր Սուրբ Սարգսի օրը

Սուրբ Սարգիսը Հայաստանի Հանրապետությունում ամեն տարի նշվող ազգային տոն է, որը նշվում է հունվարի վերջին կամ փետրվարի առաջին կեսին:

Սուրբ Սարգիսը  (St. Sarkis, 320-370)  Հայ առաքելական եկեղեցու և ողջ հայության համար ամենամեծարված սուրբն է: Սուրբ Սարգիսն ապրել և սխրանքներ էր գործել Կոնստանտին Մեծ կայսեր օրոք: Հրամանատար Սարգսի քարոզների ազդեցությամբ շատ զինվորներ մկրտվեցին: 363 թ. Յուլիան Կրոնափոխ կայսեր օրոք սուրբ Սարգիսը Քրիստոսի համար տառապանք կրեց:

Մեր օրեր է հասել մի գեղեցիկ լեգենդ, որն օգնում է հասկանալ, թե ինչու են Սուրբ Սարգսին համարում երիտասարդ սիրահարների հովանավոր: Այսպես, հերթական կռվից հաղթանակած վերադառնալուց հետո սուրբ Սարգիսն իր 39 զինվորների և զինակիցների հետ թագավորական պալատում տոնում էր իրենց հաղթանակը: Շռայլ հյուրասիրությունից  և արդար քրտինքով վաստակած ալկոհոլը խմելուց հետո, բոլոր քառասուն հերոսները գնացին քնելու: Այդժամ թագավորը քառասուն երիտասարդ կանանց հրամայեց սպանել քաջ զինվորներին: 39 կանայք կատարեցին հրամանը և սպանեցին Սարգսի զինվորներին ու զինակիցներին, բայց մի կին, տեսնելով քնած Սարգսի գեղեցիկ դեմքը, անչափ սիրեց զինվորին, և նրան սպանելու փոխարեն՝ համբուրեց:

Արթնանալով ու գիտակցելով կատարվածը՝ Սարգիսը կայծակնահար թամբեց իր սպիտակ նժույգը, թռավ վրան և, կողքը նստեցնելով իր սիրեցյալին, անցավ քաղաքի դարպասների միջով ու լքեց քաղաքը:

Ահա թե ինչու սիրահարները սկսեցին մեծարել սուրբ Սարգսին և նրա մեջ տեսնել իրենց հովանավորին ու պաշտպանին: Սուրբ Սարգիսը միշտ օգնում և աջակցում է պաշտպանություն փնտրող երիտասարդ սիրահարներին:

Երիտասարդ սիրահարների հովանավոր սուրբ Սարգսի տոնը Հայաստանում պաշտոնապես նշվում է 2007-ից սկսած: Տոնի նախորդ գիշերը երիտասարդներն աղի բլիթ են ուտում և ակնկալում, որ երազում կհայտնվի իրենց ապագա  հարսնացուն կամ փեսացուն:

Եկեղեցին կոչ է անում այս օրերին ջանասիրաբար աղոթել Սուրբ Սարգսին: Այս տոնին հնգօրյա պաս է նախորդում:

Այդ օրը Հայաստանի մայրաքաղաքի փոքր կենտրոնում գտնվող Սուրբ Սարգիս եկեղեցին յուրահատուկ մարդաշատ է լինում: Այստեղ, ինչպես բոլոր հայկական եկեղեցիներում, տոնական պատարագ է տեղի է ունենում: Շատերը՝ զույգերով կամ դեռևս միայնակ, գալիս են օրհնություն ստանալու:

Հարցեր, պատասխաններ, մեկնաբանություններ