Փետրվարի 15-ը՝ Քաղցկեղով հիվանդ երեխաների միջազգային օր

Փետրվարի 15-ին աշխարհի շատ երկրներում Քաղցկեղով հիվանդ երեխաների միջազգային օրն է նշվում (International Childhood Cancer Day): Այս օրն օրացույցի վրա առաջին անգամ հայտնվել է քաղցկեղով հիվանդ երեխաների ծնողների համաշխարհային կոնֆեդերացիայի նախաձեռնությամբ 2001 թ.:

Առաջին անգամ այս օրը նշվել է Լյուքսեմբուրգում հունվարի 15-ին, այնուհետև որոշվել է տոնը մեկ ամիս ուշացումով նշել:
Քաղցկեղով հիվանդ երեխաների միջազգային օրն այսօր նշվում է աշխարհի ավելի քան 40 երկրներում՝ Մանկական ուռուցքաբանների միջազգային հանրության բարձր հովանու ներքո:

Խնդրի արդիականությունը, որին նվիրված է այսօրվա ակցիան, ցավոք, աճում է: Բժշկական վիճակագրության համաձայն՝ աշխարհում ամեն տարի քաղցկեղով ավելի քան 200 հազ. երեխա է հիվանդանում, որոնց կեսը մահանում է:

Ուռուցքաբանական հիվանդությունների արդյունավետ բուժման գրավականը ժամանակին կատարված ախտորոշումն է: Եթե հիվանդությունն առաջին կամ երկրորդ փուլում է հայտնաբերվում, բուժումը հաճախ բարենպաստ ելքի է ունենում: Սակայն քաղցկեղի դեպքերի տասերորդ մասը երրորդ աստիճանում է հայտնաբերվում, իսկ երեխաների մոտ 8 % դեպքերում ախտորոշվում է չորրորդ աստիճանում:

Բարդությունը կայանում է նաև նրանում, որ ուռուցքների դրսևորումները շատ բազմազան են՝ գրեթե 200, և հիվանդությունը կարող է զարգանալ գրեթե ցանկացած օրգանում: Ավելի հաճախ երեխաները հիվանդանում են լեյկեմիայով (կամ՝ արյան քաղցկեղը):
Զարգացած երկրներում, որտեղ բժիշկներն ախտորոշման համար անհրաժեշտ բոլոր միջոցներն ունեն, այժմ քաղցկեղով հիվանդ երեխաներից չորսից երեքն առողջանում են: Զարգացող երկրներում հակառակ իրավիճակն է, որտեղ, ըստ վիճակագրության, ապրում է  ուռուցքային հիվանդություններով տառապող երեխաների 80%-ը: 

Ռուսաստանում քաղցկեղից երեխաների մահացությունը զիջում է միայն վթարներից մահացությանը: Ամեն տարի յուրաքանչյուր 100 հազ. անչափահաս երեխաներից 10-12-ի մոտ հայտնաբերվում է ուռուցքային հիվանդություն: Բուժման ժամանակակից մեթոդները փրկելու հնարավորություն են տալիս հիվանդ երեխաների 70%-ին: Մահացող երեխաներց շատերը ևս կարող էին ապրել: Նրանց չի հաջողվում փրկել գումարի, դոնորական արյան և որակավորված բժշկական օգնության անբավարարության պատճառով:

Այս գործոնները հաշվի առնելով՝ Քաղցկեղով հիվանդ երեխաների միջազգային օրվա ակտիվիստները բոլոր ոչ անտարբեր մարդկանց հնարավոր աջակցություն ցույց տալու կոչ են անում, այսինքն, արյուն հանձնել, համապատասխան ֆոնդերում բարեգործական ներդրումներ կատարել, լուսավորչական աշխատանքներ իրականացնել:

Այս օրը բազմաթիվ քաղաքներում բարեգործական ֆոնդերի և կամավորների ուժերով տարբեր ակցիաներ են անց կացվում: Նրանց նպատակը ո՛չ միայն հանրության ուշադրությունը խնդրին սևեռելն է, այլև հիշեցումը, որ օրը հուսահատության օր չէ, այլ հաղթանակի մեծ տոն երեխաների, մեծերի, բժիշկների, հիվանդ երեխաների բարեկամների և բոլոր այն մարդկանց համար, ովքեր անտարբեր չեն ուրիշի վշտի նկատմամբ:

Հիշեցնենք, որ փետրվարի 4-ին նշվում է Քաղցկեղի դեմ պայքարի միջազգային օրը:

Հարցեր, պատասխաններ, մեկնաբանություններ