Հոկտեմբերի 12-ը Հայաստանում ծխախոտի դեմ պայքարի օրն է

Հայաստանի Հանրապետության կառավարությունը 2008 թվականի դեկտեմբերի 18-ի  արտագնա նիստում հոկտեմբերի 12-ը հայտարարել է Ծխախոտի դեմ պայքարի ազգային օր:

Հայաստանի առողջապահության փոխնախարար Հայկ Դարբինյանը նշել է, որ ծխախոտի օգտագործման համաճարակի դեմ պայքարը հանրային առողջապահության առաջնահերթ ուղղություններից է ողջ աշխարհում, այդ թվում և՝ Հայաստանում:

«Հոկտեմբերի 12-ն է ընտրվել, քանի որ 2004 թվականի հենց այս օրն է Հայաստանի Ազգային Ժողովը վավերացրել ծխախոտի դեմ պայքարի Առողջապահության համաշխարհային կազմակերպության շրջանակային կոնվենցիան»,- ասել է Ա. Դարբինյանը:

Իր հերթին Հայաստանի սփյուռքի նախարար Հրանուշ Հակոբյանն ավելացրել է, որ սփյուռքի նախարարությունը 2009 թվականը հայտարարել է ծխախոտի դեմ հայ ազգի շարժման տարի:

Ինչպես ասվում է կառավարության որոշման մեջ, որը հրապարակված է գործադիր մարմնի պաշտոնական կայքում, այժմ Հայաստանի հասուն բնակչության մոտ 30%-ը ծխողներ են, ընդ որում, ծխողների մոտ 60%-ը իրենց ընտանիքների կերակրողներն են:

Հիշեցնենք, որ Առանց ծխախոտի համաշխարհային օրն ամեն տարի նշվում է մայիսի 31-ին:

Հարցեր, պատասխաններ, մեկնաբանություններ