ՀՀ վարչապետ Տիգրան Սարգսյանն առողջապահության նախարարության աշխատակազմին է ներկայացրել նորանշանակ նախարար Դերենիկ Դումանյանին

ՀՀ նախագահ Սերժ Սարգսյանը, ղեկավարվելով Հայաստանի Հանրապետության Սահմանադրության 55-րդ հոդվածի 4-րդ կետով, նունիսի 12-ին նշանակել է ՀՀ կառավարության անդամներին: 

ՀՀ առողջապահության նախարար է նշանակվել պրոֆեսոր Դերենիկ Դումանյանը:

«Համոզված եմ, որ ձեզանից շատերը լավ ճանաչում են Դերենիկ Դումանյանին, որովհետև նա առողջապահության ոլորտում հայտնի մարդ է և իր անցած ուղով ու գիտելիքներով վայելում է համակարգի մասնագետների վստահությունը, ինչը կարևոր հանգամանք է: Միևնույն ժամանակ, պարոն Դումանյանը նաև քաղաքական գործիչ է, Հանրապետական կուսակցության գործադիր մարմնի անդամ և լավ պատկերացումներ ունենք նրա կազմակերպչական ու մասնագիտական ունակությունների վերաբերյալ: Պարոն Դումանյանը կկարողանա ղեկավարել առողջապահության համակարգը: Մաղթում եմ նրան բեղմնավոր աշխատանք:

Միևնույն ժամանակ, ցանկանում եմ շնորհակալություն հայտնել պարոն Քուշկյանին, ով վարչապետի թույլտվությամ, այսօր բացակայում է հանրապետությունից, նրա կատարած աշխատանքի համար:

Մենք առողջապահության ոլորտում սկսել ենք բարեփոխումների նոր փուլ, որը բավական բարդ փուլ է: Այն առաջին հերթին վերաբերում է ֆինանսական մեխանիզմների կատարելագործմանը, շուկայական մեթոդների ներդրմանը, հավասար մրցակցային պայմանների ստեղծմանը: Ունենք համակարգն արդիականացնելու ծրագրեր: Այս տարիների ընթացքում մեծածավալ աշխատանքներ են իրականացվել այս ոլորտում, բոլոր մարզերում կառուցել ենք ժամանակակից հիվանդանոցներ և դա մեր բնակչությունը, բնականաբար, գնահատում է:

Այս տարիների համար երկու կարևորագույն խնդիր է դրվում առողջապահության համակարգի առջև. առաջինը՝ ծառայությունների որակը պետք է կտրուկ բարելավվի, իսկ դա նշանակում է ոչ միայն ժամանակակից սարքավորումներ, շինարարականա աշխատանքներ, այլև պրոֆեսիոնալ բուժսպասարկող անձնակազմ, պրոֆեսոինալո բժիշկներ, որոնք պետք է հնարավորություն ունենան աշխարհի լավագույն բուժհիմնարկներում անցնել վերապատրաստում և այդ ծառայությունները դարձնեն մեր հասարակության համար հասանելի:

Երկրորդ, մեր քաղաքացիները պետք է կարողանան օգտվել այս ծառայություններից: Գաղտնիք չէ, որ դեռևս այնպիսի վիճակ է, որ շատ հաճախ մեր քաղաքացիները խուսափում են դիմել առողջապահական հիմնարկներին, քանի որ չունեն ֆինանսական բավարար միջոցներ: Այս տարիների ընթացքում մեր գերակա խնդիրն է լինելու առողջապահական ծառայությունները բոլոր քաղաքացիների համար հասաբելի դարձնելը: Կառավարության նոր ծրագիրը թիրախավորում է հենց այս խնդիրը: Ֆինանսական միջոցների բացակայությունը չպետք է լինի պատճառ, որպեսզի մեր քաղաքացիները չստանան առաջին անհրաժեշտության բուժսպարակսման ծառայությունները:

Համոզված եմ, որ պարոն Դումանյանի փորձը և գիտելիքները կօգնեն մեզ այս փոփոխություններն արդյունավետ կերպով իրականացնելու համար»,- ընդգծել է Տիգրան Սարգսյանը:

Իր հերթին նորանշանակ նախարարը շնորհակալություն է հայտնել ՀՀ նախագահին և վարչապետին վստահության համար: «Ես կփորձեմ արդարացնել այդ վստահությունը, շնորհակալություն ՀՀԿ-ի գործադիր մարմնին իմ թեկնածությունն առաջադրելու համարե,- ասել է Դումանյանը: Նախարարը հավելել է, որ առողջապահության նախարարության գլխավոր նպատակն է, որ յուրաքանչյուր մարդ մատչելի և որակյալ առողջապահական ծառայություններով ապահովվի:

Հարցեր, պատասխաններ, մեկնաբանություններ