5 առասպել հակաբիոտիկների մասին

Ամենաօգտակար դեղորայքը, ավանդաբար համարվում են հակաբիոտիկները: Դրա համար, երբ հիվանդությունը սկսում է օրգանիզմում «փոթորկվել», շատերը բժշկի դիմելու փոխարեն, իրենց համար «դուրս են գրում ամենաազդող միջոցը»:

Եվ դա ամենամեծ սխալներից մեկն, որը հղի է լուրջ հետևանքներով:

Առասպել1.

Հակաբիոտիկները գրիպի ու մրսածության և, ընդհանրապես, գրեթե բոլոր հիվանդությունների դեմ ամենաարդյունավետ միջոցներից են: 

Կարևոր է հիշել. մրսածություն և գրիպ հրահրում են վիրուսները, իսկ հակաբիոտիկները, որոնք ոչնչացնում են մանրէներին, վիրուսների դեմ անզոր են: Եթե գրիպի կամ ՍՇԻ-ների ժամանակ հակաբիոտներ օգտագործվեն, ապա հնարավոր է հիվանդությունն էլ ավելի բարդանա. առանց այդ էլ գրիպի պատճառով թուլացած օրգանիզմ է «ներմուծվում» ագրեսիվ դեղորայք: Ավելին, հետագայում, եթե, օրինակ, զարգանում է թոքաբորբ, հակաբիոտիկներն այլևս չեն կարող ազդել:

Հակավիրուսային և հակամանրէային պատրաստուկների համատարած անվերահսկելի օգտագործումը հանգեցրել է այն բանին, որ մարդու օրգանիզմն այդպիսի բուժումն արդեն չի ընկալում:

Եթե հակաբիոտիկներն օգտագործվեն առանց անհրաժեշտության, միկրոօրգանիզմներն արագ դրանց դեմ  կայունություն ձեռք կբերեն և իրենց գենետիկական նյութը կփոխանցեն մեկ այլ մանրէների, նշում են մասնագետները: Արդյունքում մարդը շրջապատի համար վտանգավոր է դառնում. չէ որ անընդհատ շփվում է վիրուսների և մանրէների հետ: Ամեն տարի միայն Եվրոպայում հակաբիոտիկների նկատմամբ տարբեր կայունությամբ պայմանավորված հիվանդություններից մահանում է ավելի քան 25 000 մարդ: Հիվանդածին միկրոօրգանիզմների մոտ 60%-ը բոլոր հիմնական հակաբիոտիկների նկատմամբ զգայունություն չունեն:

Առասպել 2.

Հակաբիոտիկները մյուս դեղպատրաստուկներից ավելի արագ են օգնում

Արդյունքը կարելի է բավական արագ նկատել: Սակայն հակաբիոտիկներով բուժման միջին կուրսը կազմում է 10 օր: Եվ շատ վտանգավոր է  անմիջապես դադարեցնել, այն բանից հետո, երբ մի քիչ թեթևություն եք զգում: Հակաբիոտիկների ընդունման ինքնուրույն դադարեցումը կարող է հանգեցնել տխուր հետևանքների: Օրինակ, եթե մարդու մոտ ֆունիկուլյար անգինա է, որն անհրաժեշտ է բուժել հակաբիոտիկներով, բժիշկը նշանակում է բուժման 10-օրյա կուրս, իսկ մարդու մոտ երեք օր հետո կոկորդն այլևս չի ցավում, այտուց էլ  չկա և նա մտածում է.«Իսկ ինչու՞ շարունակեմ խմել այդ դեղերը»: Այսինքն, ըստ էության, նա իր մանրէներին ՙկերակրել՚ է հակաբիոտիկներով, սակայն մինչև վերջ դրանք չի ոչնչացրել: Արդյունքում մինչև վերջ չոչնչացված մանրէները կայունություն են ձեռք բերում: Զարմանալի չէ , որ հաջորդ անգամ այդ դեղերն այլևս չեն օգնում: Եվ եթե նախկինում որոշ հիվանդություններ հնարավոր էր մեկ սրսկումով բուժել, ապա այժմ դրա համար կպահանջվի բուժման երկարատև կուրս:

Առասպել 3.

Հակաբիոտիկներն անվտանգ են

Հակաբիոտիկները ոչնչացնում են ոչ միայն մանրէներին, որոնք հրահրել են հիվանդությունը, այլև դրանց նկատմամբ զգայուն բոլոր միկրոօրգանիզմներին, այդ թվում նաև օգտակարներին: Այդ պատճառով էլ, հաճախ հակաբիոտիկներով բուժումից հետո, հարկ է լինում բուժել նաև ալերգիան, դիսբակտերիոզը և այլ հիվանդություններ:

Խնդիրն այն է, որ հակաբիոտիկները վաճառվում են առանց դեղատոմսերի և դրանց բուժման մեթոդների ու սխեմաների մասին մանրամասն իրազեկված է միայն բժիշկը, որին էլ հարկ է դիմել խորհրդատվության համար,-կարծում են գիտնականները: Ի տարբերություն Եվրոպայի և ԱՄՆ-ի, մեզ մոտ  դեղատներից առանց դեղատոմսերի կարելի է գնել ամեն տեսակի հզոր հակաբիոտիկներ:

Առասպել 4.

Հակաբիոտիկներ կարող է նշանակել միայն բժիշկը

Իհարկե, այստեղ մեկ այլ կարծիք չի կարող լինել: ԱՀԿ-ի տվյալների համաձայն, հակաբիոտիկների 75%-ը բժիշկների կողմից նշանակվում է ոչ  ռացիոնալ կերպով: Ամենից հաճախ բժիշկները ցանկանում են իրեն վերաապահովագրել: Սակայն երբեմն հենց իրենք` պացիենտներն են մեղավոր. շատերը պնդում են, որպեսզի իրենց ավելի ուժեղ դեղեր նշանակեն, չմտածելով հետևանքների մասին: Խորհուրդ ենք տալիս միշտ հետաքրքրվել, թե ինչով կարող է վտանգավոր լինել նշանակվող պատրաստուկը:

Առասպել 5.

Եթե հակաբիոտիկը մեկ անգամ օգնել է, ապա այն կարելի է հաջորդ անգամ էլ օգտագործել:

Չօգտագործված հակաբիոտիկները չարժե պահել. դրանք այլևս պիտանի չեն: Հիվանդության յուրաքանչյուր դեպքում բժիշկն ընտրում է կոնկրետ պատրաստուկ և չափաքանակ:

Եվ երբեք, առանց բժշկի նշանակման ոչ միայն հակաբիոտիկներ, այլև ուրիշ դեղպատրաստուկներ չի կարելի տալ մինչև 12 տարեկան երեխաներին, հղիներին, կերակրող մայրերին և տարեց մարդկանց, զգուշացնում են մասնագետները:

Հարցեր, պատասխաններ, մեկնաբանություններ