Գիշերային հերթապահությունները հեշտությամբ կհաղթահարվեն, եթե քունը գրագետ կազմակերպվի

Եթե դուք պետք է ամբողջ գիշեր աշխատավայրում լինեք, անհրաժեշտ է նախօրոք քնել՝ կարգավորելով ռեժիմը: Սա հնարավորություն կտա խուսափել քնի պակասի բացասական հետևանքներից, գրում է The Daily Mail-ը: Կալգարի Համալսարանի փորձագետները խորհուրդ են տալիս. եթե բոլորը գիշերային հերթապահությունից առաջ երկու ժամ ավելի քնեն, ապա հնարավոր կլինի հաղթահարել մեծ ծանրաբեռնվածությունը և աշխատանքային գրաֆիկի փոփոխությունը:

Այսինքն, ավելի լավ է ոչ թե երկար քնել ծանր գիշերից հետո, այլ` նախօրոք: Այդ դեպքում ֆիզիկական վիճակը կբարելավվի, գլուխն ավելի լավ կաշխատի և հիշողությունն չի տուժի: Գիտնականները փորձ են իրականացրել: Նրանք ընդգրկել են 12 առողջ երիտասարդների, ովքեր, սովորաբար, նորմալ էին քնում: Կամավորներին թույլ չտվեցին քնել 38 ժամ: Այդ ընթացքում իրականացվեց ուղեղի աշխատանքի, հիշողության և ֆիզիկական ուժի գնահատում:

Փորձն իրկանացվեց գիշերը նորմալ քնելուց հետո: Եվ կրկնվեց դա նաև այն բանից հետո, երբ մարդիկ վեց գիշեր պառկեցին քնելու սովորականից երկու ժամ շուտ: Պարզվեց. կամավորներն ավելի լավ էին հաղթահարում ստուգումները, եթե նախօրոք քնի տևողությունն ավելացնում էին երկու ժամով: Ստացվեց, գործում է դրական կուտակային արդյունավետություն:

Հարցեր, պատասխաններ, մեկնաբանություններ