Հեռախոսային թերապիան կարող է փոխարինել հոգեբանի հետ հանդիպումներին

Journal of American Medical Association ամսագրում երեքշաբթի օրը հրապարակվել է մի հետազոտություն, համաձայն որի` հեռախոսային թերապիան կարող է նույնքան օգտակար լինել ճնշվածության ախտանիշները վերացնելու համար, որքան հոգեբանի հետ դեմ առ դեմ հանդիպումները:

Ինչպես հաղորդում է ABC News-ը, հետազոտությունը անցկացվել է 320 մարդու շրջանում: Արդյունքում պարզվել է, որ մարդիկ առավել նախընտրում են հեռախոսային թերապիան, քան հոգեբանին այցելելը:

Եվ չնայած երկու դեպքում էլ հիվանդների վրա ունեցած ազդեցությունը դրական է, սակայն պարզվել է, որ հոգեբանի հետ դեմ առ դեմ հանդիպած մարդիկ առավել հեշտ են ազատվել ճնշվածության նշաններից, քան նրանք, ովքեր հեռախոսային թերապիա են անցել:

Հարցեր, պատասխաններ, մեկնաբանություններ