Մարդը պատրաստ է զոհաբերել երջանկությունը հանուն գումարի. գիտնականներ

Ժամանակակից մարդիկ պատրաստ են զոհաբերել անձնական երջանկությունը հանուն բարձր աշխատավարձի: Մարդկանց մեծ մասը հաճախ համաձայնում է  աշխատել բարձր աշխատավարձով՝ գիտակցելով, որ այդ աշխատանքը երջանկություն չի պարգևելու:

Մասնագետների հարցմանը մասնակցել է 2,5 հազար մարդ. նրանց առաջարկվել է հետևյալ երկընտրանքը՝ ստանալ տարեկան 50 հազար ֆունտ ստեռլինգ աշխատավարձ՝ խելամիտ ծանրաբեռնվածությամբ աշխատելով ու օրվա ընթացքում միջինը 7,5 ժամ քնելու հնարավորությամբ կամ ստանալ տարեկան 90 հազար ֆունտ ստեռլինգ աշխատավարձ՝ գերծանրաբեռնված աշխատանքային գրաֆիկով և օրական միջինը 6 ժամ քնելու հնարավորությամբ:

Արդյունքում հարցվածների մեծ մասն ընտրել է երկրորդ տարբերակը: Սկզբում մասնագետները կարծել են, որ ժամանակակից մարդու ընտրությունը բխում է պրագմատիզմից, սակայն նման ընտրության հոգեբանական հիմքերն այլ են, հաղորդում է NEWSru.com-ը:

Պարզվել է, որ նման ընտրությունը մեծամասամբ պայմանավորված է այն հանգամանքով, որ մարդիկ ցանկանում են կյանքում ավելի գլոբալ նպատակներ և բարձր սոցիալական կարգավիճակ ունենալ:

Հարցեր, պատասխաններ, մեկնաբանություններ