Սովորական մարմնամարզությունը նպաստում է ինքնագնահատականի բարձրացմանը

Համաձայն Ֆլորիդայի համալսարանի հոգեբանների կողմից անց կացրած հետազոտությունների, անկախ ֆիզիկական ակտիվության իրական արդյունքներից մարմնամարզությամբ կամ աէրոբիկայով զբաղվելը բարելավում է մեր ինքնաընկալումը, բարելավվում է սրտանոթային համակարգի աշխատանքը:

Բժիկները ենթադրում են, որ ֆիզիկական ակտիվությունից բխող հոգեբանական առավելությունները ունեն ավելի մեծ օգուտ առողջության համար, քան նույնիսկ ֆիզիկական ձեռքբերումները: Վերջին ժամանակաշրջանում ԱՄՆ-ի մեծահասակ բնակչության մոտ 60 տոկոսը մշտական դժգոհություն է արտահայտում սեփական մարմնի նկատմամբ, և հսկայական միջոցներ վատնում այն իդեալին մոտեցնելու համար` դիմելով աամենատարբեր հաբերի ընդունումից մինչև նբազմաքանակ վիրաբուժական միջամտությունները: Թեև մենք, փառք աստծո, այդ հարցում զջում ենք Ամերիկացիներին, սակայն, ինչպես վկայում են վիրաբույժբները , տարեց տարի աճում է վիրահատական միջամտության դիմող այցելուների թիվը: Այս երևույթի բազմաթիվ պատճառներից մեկն էլ ԶԼՄ-րի միջոցով պրոպագանդվող և ամեն գնով վեհացվող բարալիկ մոդելների կերպարներն են, որոնք նույնացվում են հաջողության անհրաժեշտ նախապայմանների հետ:

Ինչևէ, գեղեցիկ մարմին ունենալու ցանկության մեջ բացասական և ոչ մի բան չկա: Սակայն հիշեք, մարմնամարզության, առողջ ապրելակերպին հետևելու ց զատ բոլոր այլ միջոցները /վիրահատություն, մշտական թերսնուցում և այլ/ միայն թերարժեքության զգացումի, հոգեկան լարվածության ու հյուծվածության պատճառ կարող են դառնալ: Մինչդեռ առաջին դեպքում բացի անխուսափելի դրական ֆիզիկական տեղաշարժերից, ձեզ մոտ կձևավորվի կյանքում հաջողություն հասնելու անհրաժեշտ հատկանիշներից կարևորագույնը` սեփական կյանքի վերահսկողության հմտությունը:

Հարցեր, պատասխաններ, մեկնաբանություններ