ՀՀ ԱՆ. «Հոգեկան առողջության մասին» օրենքի նախագիծ է մշակվում

«Հոգեկան առողջության մասին» օրենքի նախագիծը քննարկելու համար նախարարի տեղակալ Արմեն Գասպարյանի գլխավորությամբ տեղի է ունեցել հերթական հանդիպումը հասարակական կազմակերպությունների ու հոգեբուժական հաստատությունների ներկայացուցիչների հետ:

Առողջապահության նախարարության հետ համագործակցությամբ և Եվրոպական միության աջակցությամբ իրականացվող «Հայաստանում հոգեկան առողջության համապարփակ շրջանակի խթանում» ծրագրի շրջանակներում Ժողովրդավարության զարգացման հիմնադրամը, Հելսինկյան քաղաքացիական ասամբլեայի Վանաձորի գրասենյակը, «Հաշմանդամություն ունեցող անձանց իրավունքների օրակարգ» ՀԿ-ն և Հոգեկան առողջության հայկական ասոցիացիան մշակում են «Հոգեկան առողջության մասին» օրենքի նախագիծ, որը նպատակ ունի հոգեկան առողջության ոլորտում ՀՀ առկա իրավակարգավորումները համապատասխանացնել ՄԱԿ-ի Հաշմանդամություն ունեցող անձանց իրավունքների մասին կոնվենցիայով հռչակված ընդհանուր սկզբունքներին և մոտեցումներին:

 Նոր օրենքը պետք է ապահովի բնակչության հոգեկան առողջության պահպանման արդյունավետ մեխանիզմներ, ստեղծի հոգեկան առողջության խնդիր ունեցող անձանց իրավունքների ապահովման և պաշտպանության, հնարավորությունների հավասարության և խտրականության բացառման արդյունավետ կառուցակարգեր:

Հանդիպմանը հնչեցված դիտարկումները հաշվի առնելով` լրամշակումները առաջիկա հանդիպմանը կներկայացվի աշխատանքային խմբին:

Հարցեր, պատասխաններ, մեկնաբանություններ