Ուսումնասիրողները գրեթե ավարտել են ճաղատության դեմ պայքարի նոր մեթոդի մշակումը. 1in.am

Մադրիդի Քաղցկեղի ուսումնասիրության ազգային կենտրոնի մասնագետները հակաբորբոքային դեղորայքը մկների վրա փորձարկելիս պատահաբար բացահայտում են արել: Նրանք նկատել են, որ կրծողների մոտ սկսել է նոր մորթի աճել: Մասնագետները որոշել են գտնել դրա պատճառները: Պարզվում է, որ մորթին սկսել է աճել բորբոքումները և մեռած հյուսվածքները վերացնելու նպատակով ներարկումների շնորհիվ, փոխանցում է The Daily Mail-ը:

Գիտնականների խոսքերով՝ մակրոֆագերն ակտիվացնում են ցողունային բջիջները, որոնք պատասխանատու են մազերի աճի համար: Դա նշանակում է, որ մազերի ֆոլիկուլները հնարավոր է խթանել առանց մազերի փոխպատվաստման, որը 7500 դոլար արժե: Նախկին ուսումնասիրությունները ցույց են տվել, որ մազերի աճը խթանում են նաև մաշկի հատուկ ազդանշանները, սակայն առայժմ հայտնի չէ, թե որ բջիջներն են պատասխանատու դրա համար:

Մասնագետները մանրամասն ուսումնասիրել են կապը ցողունային բջիջների և իմունային համակարգի բջիջների միջև: Դեղորայքը համապատասխան բջիջներին հասցնելու համար մասնագետները փոքրագույն մասնիկներ՝ լիպոսոմներ են օգտագործում: Մակրոֆագերի ակտիվացման դեպքում մազերը սկսել են աճել, իսկ դրանց ճնշման ժամանակ մազերի աճը սկսել է դանդաղել: Չնայած հետազոտությունն անց է կացվել մկների վրա, գիտնականները կարծում են, որ իրենց հետազոտության շնորհիվ ճաղատացման դեմ նոր միջոց կստեղծվի:

Հարցեր, պատասխաններ, մեկնաբանություններ