Բրազիլական ազդրերի գաղտնիքը

Ինչքա՞ն ժամանակ եք դուք տրամադրում դիմահարդարմանը, վարսահարդարմանը, մատնահարդարմանը և հագուստի ընտրությանը: Իսկ ինչքա՞ն ժամանակ եք ծախսում նրա համար, որ ունենաք գեղեցիկ և գրավիչ ազդրեր: Եթե չգիտեք ինչպես պահպանել՝ տղամարդկանց կողմից այդքան գնահատվող մարմնի հատվածի գեղեցկությունը, խնդիր չէ. այս հոդվածում մենք կներկայացնենք ամենաարդյունավետ վարժությունների շարքը, որոնք կդարձնեն ձեր ազդրերն առաձգական և գրավիչ՝ գեղեցիկ ձև հաղորդելով դրանց:

Սեղանի թենիս խաղացեք

Առաջին հերթին պետք է իմանալ, որ ազդրերին իդեալական ձև հաղորդելու ամենաարդյունավետ միջոցը՝ սեղանի թենիս կամ պինգ-պոնգ խաղալն է: Այլ կերպ ասած պինգ-պոնգը լավագույն ֆիթնեսն է ձեր ազդրերի համար: Սեղանի թենիս խաղալն ավելի շատ ժամանակ կխլի, քան հատուկ վարժություններ կատարելը, բայց ձեր սպասելիքները շատ արագ կարդարանան և մի բան էլ ավելին:

Սեղանի թենիս խաղալիս շարժման դինամիկան և արագությունը պարզապես իդեալական կառուցվածք են հաղորդում ազդրերին, գոտկային հատվածին և իրանին: Թենիս խաղալիս դուք մկաններ չեք աճեցնում, ինչպես սովորական վարժությունների ժամանակ, այլ մարզում եք դրանք՝ ձգելով վերև: Արյան շրջանառության լավացման շնորհիվ ձեր ազդրերը դառնում են առաձգական և հյութեղ, ինչպես դեղձը:

Բրազիլական բում-բում

Բրազիլացի տղամարդիկ միշտ գնահատել են մեծ և կլոր բում-բումը՝ այսպես նրանք անվանում են ազդրերը: Բրազիլուհիները բնականաբար փորձում են համապատասխանել իրենց տղամարդկանց ճաշակին: Պատահական չէ, որ բրազիլական ազդրերը համարվում են կանացի կլորությունների իդեալ: Հետևյալ վարժությունները ցանկալի է կատարել առավոտյան, ծայրահեղ դեպքում՝ վաղ երեկոյան:

Նախավարժանք

Նախքան մկաններն աշխատացնելը կատարեք աքիլլեսյան ջլի ձգումներ: Կքանստեք՝ ոտնաթաթերն ամբողջությամբ հատակին հենած, մարմնով առաջ թեքվեք, որ ձկնամկանները ձգվեն: Կարելի է կանգնել դռան շեմին կամ որոշ բարձրության վրա և կրունկներն իջեցնել ներքև՝ դեպի հատակը: Փորձեք մարմինն առաջ թեքել, որ ձգումն ավելի լավ կայանա:

Խորը կքանիստ դեպի առաջ

Կանգնեք ոտքերը միասին, ձեռքերը դրեք գոտկատեղին: Յուրաքանչյուր ոտքով խորը կքանիստ արեք դեպի առաջ՝ երեք անգամ կատարելով խորը ճոճումներ: Հետևում մնացած ոտքը պետք է հենվի հատակին ամբողջությամբ, այլ ոչ թե թաթի վրա: Աստիճանաբար ավելացրեք կքանիստերի քանակը՝ հասցնելով 7-12 անգամի՝ յուրաքանչյուր ոտքի համար:

Աղեղ

Պառկեք փորի վրա՝ առաջ ձգելով թևերը: Բարձրացրեք թևերն ու մարմինը՝ ձևավորելով աղեղ: Հետո իջեցրեք ձեռքերն ու բարձրացրեք միայն ոտքերը: Վարժությունը պետք է կրկնել 6-10 անգամ:

Ճկումներ

Կանգնեք ուղիղ՝ ոտքերը միասին, ձեռքերում ոչ ծանր մարզագնդեր (гантели): Հետ տարեք աջ ոտքը, միաժամանակ բարձրացրեք ձեռքերը վեր և հետ ճկվեք: Վերադարձեք նախնական դիրքին: Այժմ հետ տարեք ձախ ոտքը: Վարժությունը կրկնեք 10-12 անգամ:

Առաջ և ետ թեքումներ

Ձախ ոտքը դրեք աթոռին, վերցրեք մարզագնդերը և իջեցրեք ձեռքերը մարմնի երկայնքով: Թեքվեք առաջ և մարզագնդերով հասեք հատակին: Կրկնեք 10-12 անգամ յուրաքանչյուր ոտքով:

***

Ոտքերը միասին, ձեռքերը մարզագնդերով՝ գոտկատեղին: Թեքվեք հետ՝ առանց ոտքերը ծալելու: Կրկնեք 12-15 անգամ:

Նապաստակ

Թաթերի վրա պարան թռեք՝ երկու ոտքով: Պահեք հավասարաչափ շնչառություն, շնչեք քթով: Թռեք 2-5 րոպե՝ աստիճանաբար ավելացնելով մարզման ժամանակը:

Հեծանիվ

Պառկեք մեջքի վրա, ձեռքերը պարզեք մարմնի երկայնքով: Ոտքերը բարձրացրեք քառասունհինգ աստիճան և շարժեք՝վասես հեծանիվ եք քշում: Սրունքներն ուղիղ, շարժումները մաքսիմալ մեծ ամպլիտուդով: Կրկնեք հինգից տասն անգամ:

Նավակ

Պառկեք փորի վրա, ձեռքերը միացրեք մեջքի ետևում, մատները կողպեք: Առանց ծնկները ծալելու բարձրացրեք ոտքերն ու ձեռքերը: Մարմինը պետք է նավակի տեսք ստանա, այս դիրքում մնացեք 10-30 վայրկյան:

Հարցեր, պատասխաններ, մեկնաբանություններ