Գիտնականները պատասխանել են մազերի ճերմակելու պատճառի վերաբերյալ հարցին

Գիտնականներն արդեն վաղուց պարզել են այն, որ մազարմատի ցողունային բջիջները և մազերի բջիջներում գունանյութի՝ պիգմենտի արտադրությունը կապված են իրար հետ, սակայն տարիքի հետ մազերը սպիտակելու հիմնական  պատճառներն առաջ հայտնի չէին:

Փորձերի ժամանակ հայտնաբերվել է, որ այդ բջիջների միջև ազդակների փոխանցումը անհրաժեշտ է այս երկու տեսակի ցողունային բջիջների ուղղորդման համար: Հետազոտությունը ենթադրում է, որ այդ ազդակների աղավաղումը կարող է նոր ռազմավարության սկիզբ դնել, որի օգնությամբ հնարավոր է պահպանել ցանկացած տարիքում մազերի բնական գույնը:

Մարդկային օրգանիզմում կան ցողունային բջիջների բազմաթիվ տեսակներ, և գործնականում նրանք բոլոր ունեն այլ օրգաններ և հյուսվածքներ վերականգնելու պոտենցիալ: Մազերի ցողունային բջիջների և նրանց գույնի միջև հաղորդակցումը կարող է ցանկալի բանալին տալ գիտնականներին` կարողանալու վերականգնել բարդ օրգանները, որոնք իրենց մեջ պարունակում են բազմաթիվ հյուսվածքներ և բջիջներ: Հնարավոր է, որ մազերի գունավորման հետազոտությունը նոր, առավել լուրջ ծրագրի սկիզբ դառնա:

Հարցեր, պատասխաններ, մեկնաբանություններ