«Հենաշարժիչ համակարգի խնդիրների և աուտոիմուն հիվանդությունների ախտորոշման և բուժման ժամանակակից մոտեցումներ ԱԱՊ օղակում» թեմայով դասընթաց

2023 թ. ապրիլի 3-ից ապրիլի 24-ը տեղի կունենա 2-շաբաթյա ՇՄԶ կրեդիտավորված վերապատրաստման դասընթաց «Հենաշարժիչ համակարգի խնդիրների և աուտոիմուն հիվանդությունների ախտորոշման և բուժման ժամանակակից մոտեցումներ ԱԱՊ օղակում» թեմայով, մասնակիցներին կշնորհվի 28 կրեդիտ՝20 տեսական և 8 գործնական, կտրվեն վկայականներ:

Դասընթացի ծրագիրը հաստատվել է ՀՀ առողջապահության նախարարի հրամանով:

Թիրախային լսարան՝ ընտանեկան բժիշկներ, թերապևտներ:

Դասընթացը կազմակերպված է առցանց՝ «Զում» հարթակով, սկիզբը ժ. 18.00:

Ծրագրում ներկայացված են հետևյալ թեմաները՝ մեջքի, վերին և ստորին վերջույթների ցավային համախտանիշների ախտորոշումը և հիվանդի վարումը, օստեոպորոզի, օստեոարթրիտի, ռևմատոիդ արթրիտի, պոդագրայի, ռեակտիվ արթրիտի և մի շարք այլ հիվանդությունների ախտորոշումը, ռիսկի գործոնների քննարկումը, առաջնային օղակում հիվանդների բուժման սկզբունքները:

Ընդգծվում են կանխարգելման և հիվանդի խորհրդատվության մոտեցումները, կարևորվում են դեղորայքային և ոչ դեղորայքային բուժման առանձնահատկությունները, քննարկվում են կլինիկական դեպքեր:

Դասախոս՝ ԵՊԲՀ–ի ընտանեկան բժշկության ամբիոնի դոցենտ, հոդաբան Ի. Է. Դանիելյան:

Կոնտակտային հեռախոսահամարներ՝ 091-42-08-80, 091-24 -91- 85

Գրանցման և վճարման համար դիմել ԵՊԲՀ-ի շարունակական մասնագիտական զարգացման բաժին, հեռ՝ 010-58- 31- 01, 091- 51- 55- 50

Հարցեր, պատասխաններ, մեկնաբանություններ