Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

...

Վահանագեղձի հանգուցային ախտաբանություն. armeniamedicalcenter.am

Վահանագեղձի հանգուցային ախտաբանություն. armeniamedicalcenter.am

Վահանագեղձում հանգույցների առկայության մասին խոսում են հետևյալ ախտանշանները.

  • պարանոցի շրջանում` տհաճության զգացում և ցավ,
  • կոկորդում` գնդի զգացողություն,
  • հևոց,
  • կլման ակտի խանգարում և ձայնի խռպոտություն (2-3 սմ-ից մեծ հանգույցների դեպքում),
  • օրգանիզմում յոդ պարունակող հորմոնների ավելցուկ (սուբֆեբրիլ ջերմություն, հուզական անհավասարակշռություն, հաճախասրտություն, էկզոֆթալմ, բարձր զարկերակային ճնշում, սեռական ֆունկցիայի խանգարում),
  • մազաթափություն, մազերի չորություն:


Հիվանդության ախտանշանների դեպքում անհրաժեշտ է դիմել էնդոկրինոլոգի: Մասնագետը՝ խնդիրներ հայտնաբերելու դեպքում, կնշանակի անհրաժեշտ հետազոտություններ՝ թիրեոտրոպ հորմոնի, ազատ թիրոքսինի, ազատ տրիյոդթիրոնինի մակարդակների որոշում:

Կարևոր հետազոտություն է ուլտրաձայնային հետազոտությունը (ՈՒՁՀ), որի օգնությամբ հնարավոր է պարզել վահանագեղձի կառուցվածքային փոփոխությունները, պնդացած օջախների, կիստաների, ուռուցքների, գեղձի ադենոմաների առկայությունը:


Կանխարգելման նպաստակով ՈՒՁՀ նշանակվում է 30 տարեկանից բարձր այն մարդկանց, որոնք ապրում են յոդի դեֆիցիտային տեղանքում, օգտագործում են հորմոնալ պատրաստուկներ, ունեն ժառանգական նախատրամադրվածություն:

Հիպոթիրեոզը կարող է բացասաբար ազդել հղիության ընթացքի և պտղի զարգացման վրա, այդ պատճառով այդ հետազոտությունն անհրաժեշտ է նաև հղիներին:

Վահանագեղձի հանգուցային փոփոխությունն ի հայտ է գալիս հետևյալ դեպքերում.

  • հաճախակի սթրեսներ և գերսառեցում,
  • անբարենպաստ էկոլոգիական պայմաններ և մասնագիտական վնասակար ազդեցություններ (աշխատանք` բենզինի, լաքի, ներկերի, ծանր մետաղների աղերի, ռադիացիայի ներկայության պայմաններում),
  • օրգանիզմում կամ վահանագեղձում քրոնիկ բորբոքային հիվանդություն (տուբերկուլոզ, թիրեոդիտ),
  • այլ էնդոկրին գեղձերի բարորակ նորագոյացություններ (հիպոֆիզի, մակերիկամների ադենոմա),
  • աուտոիմուն հիվանդություններ,
  • սխալ սնունդ, սննդակարգերի չարաշահում, որտեղ առկա են վիտամինների և սպիտակուցների սահմանափակում` հատկապես դեռահաս աղջիկների և կանանց մոտ:


Հիվանդությունը վաղ շրջանում վտանգ չի ներկայացնում և հեշտ ենթարկվում է բուժման` հորմոնալ դեղերի, վիտամինների և սննդային հավելումների օգնությամբ:

Հիվանդության հետագա ընթացքից խուսափելու համար անհրաժեշտ են հետևյալ կանխարգելիչ միջոցառումները.

  • ճիշտ սնվել,
  • ապահովել բավարար ֆիզիկական ծանրաբեռնվածություն,
  • սննդի մեջ ներառել յոդ պարունակող մթերքների բավարար քանակ (ծովամթերք, բանջարեղեն, միրգ, հատիկեղեն, մասուրի հյութ, մեղր, չզտված բուսայուղ),
  • խուսափել բարձր ռադիացիայով և օդում քիմիական նյութերի մեծ քանակով տարածքներից,
  • խուսափել սթրեսներից:


 
Բուժման արդյունավետությունը կախված է վաղ ախտորոշումից, այդ պատճառով անհրաժեշտ է ժամանակին իրականացնել կոմպլեքս հետազոտություններ:

Սկզբնաղբյուր. armeniamedicalcenter.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Share |

Հարցեր, պատասխաններ, մեկնաբանություններ

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ