Ալեն Հովնանյան. Սալուտեմ ամսագիր

2021 թ. Հազվադեպ հիվանդությունների ուսումնասիրության եվրոպական կազմակերպության (EURORDIS) «Սև մարգարիտ» մրցանակաբաշխության մրցանակակիր:

EURORDIS-ի գիտական մրցանակը շնորհվել է պրոֆեսոր, մաշկաբան Ալեն Հովնանյանին՝ մաշկի հազվադեպ հիվանդությունների վերաբերյալ նորարարական և շրջադարձային հետազոտությունների համար:

Հազվադեպ հիվանդությունների ուսումնասիրության եվրոպական կազմակերպությունը (EURORDIS) շնորհավորել է 2021 թ. բոլոր մրցանակակիրներին, քանի որ նրանց նվիրվածությունը, պատասխանատվությունն ու ձեռքբերումներն անգնահատելի են հազվադեպ հիվանդություն ունեցող պացիենտների համար:

EURORDIS-ի գիտական մրցանակը շնորհվել է պրոֆեսոր Ալեն Հովնանյանին՝ գիտական գերազանցության և բազմակողմանի մտահորիզոնի համար, ինչպես նաև հազվադեպ հիվանդությունների ոլորտում ցուցաբերված բացառիկ նվիրվածության և կատարած հետազոտությունների համար:

Մաշկի հազվադեպ հիվանդությունների՝ մասնավորապես բշտային էպիդերմոլիզի և բնածին պախիոնիխիայի ոլորտում նրա կատարած հետազոտություններն ու աշխատանքները շրջադարձային էին ինչպես Ֆրանսիայում, այնպես էլ միջազգային ասպարեզում:
Ալեն Հովնանյանը ընդհանուր բժշկության որակավորում ստացել է Փարիզում, ապա մասնագիտացել է մաշկաբանության և գենետիկայի ոլորտներում: 1994-2000 թթ. Օքսֆորդի համալսարանում պրոֆեսոր Հովնանյանը ղեկավարել է մաշկային ժառանգական հիվանդությունների հետազոտական լաբորատորիան: Այնուհետև, 2000 թ. տեղափոխվել Թուլուզ, որտեղ ստացել է պրոֆեսորի կոչում:

Ալեն Հովնանյանի ղեկավարած հետազոտական խումբն ունի բավականին մեծ ճանաչում բժշկական գենետիկայի ոլորտում, ինչպես նաև հիվանդների շրջանում: Պրոֆեսորը հեղինակել է մի շարք գիտական աշխատություններ և տպագրվել աշխարհի հեղինակավոր ամսագրերում:

blackpearl.eurordis.org

«ՍԱԼՈՒՏԵՄ» առողջ ապրելակերպի ամսագիր
Պետական գրանցման համար․ 211․200․00969
magazinesalutem@gmail.com
+(374) 91 64 10 15
+(374) 98 79 15 15

Հարցեր, պատասխաններ, մեկնաբանություններ