Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

...

Հոգեբանական խորհրդատվություն և հոգեթերապիա՝ ՀԱՊԱԿ-ում. hapak.am

Հոգեբանական խորհրդատվություն և հոգեթերապիա՝ ՀԱՊԱԿ-ում. hapak.am

Շատ հաճախ ծնողները չեն կարևորում երեխայի կյանքում առաջացած հոգեբանական խնդիրները և սպասվող հետևանքները, կամ չեն ընդունում այն փաստը, որ իրենց երեխայի հետ ինչ-որ բան է կատարվում: Իրականում, խնդիրների մեծ մասի գոյությունը նորմալ երևույթ է, և դրանք երեխայի ձևավորման անհրաժեշտ մաս են կազմում: Սակայն կան խնդիրներ, որոնց դեպքում անհրաժեշտ է մասնագետի միջամտությունն ու օգնությունը՝ դրանք հաղթահարելու և հետագա նոր խնդիրների առաջացումը կանխելու համար:

Սիրելի ծնողներ, Ձեր երեխայի հետ կապված մտատանջություններից ազատվելու, երեխային անհրաժեշտ օգնություն ցուցաբերելու, խնդիրներին արագ և արդյունավետ լուծում տալու լավագույն տարբերակը հոգեբան-մասնագետին ժամանակին դիմելն է:
Հոգեբանական աջակցության անհրաժեշտություն կարող է ունենալ յուրաքանչյուր մարդ` իր կյանքի ցանկացած փուլում: Հոգեբանին դիմելու որոշումը կարող է պայմանավորված լինել ամենատարբեր հանգամանքներով՝ սկսած անձնային աճի, ինքնակատարելագործման, մասնագիտական բարձունքների հասնելու պահանջից` մինչև հոգեմարմնական լուրջ խնդիրներ:

Հոգեբանին դիմելու պատճառ կարող են լինել մարդու կյանքում տեղի ունեցած անսպասելի իրադարձություններն ու լուրջ փոփոխությունները, որոնց հակազդման համար ինքը չունի համապատասխան հմտություններ: Դրանք սեփական պատկերացումներից, սպասելիքներից դուրս անսովոր վիճակներ են, որոնք անձն ի զորու չէ փոխել, բայց և հարմարվելը թվում է անհնար: Կյանքի այդ մարտահրավերներին դիմակայելու համար մարդը պետք է վերակառուցի իր արժեհամակարգը և փոփոխի վարքի ստանդարտ ձևերը: Դրանք հաճախ բացասական միջադեպերն են` հարազատի կորուստը, ընտանիքի փլուզումը, բռնությունը, բայց, երբեմն, դրական իրադարձությունները ևս դառնում են սթրեսածին լուրջ հանգամանքներ` երեխայի ծնունդը, պաշտոնի բարձրացումը, բնակավայրի փոփոխությունը և այլն:

Որպես սոցիալական էակ, անձի հոգեկան ներդաշնակության և ամբողջականության համար խիստ կարևոր են նրա ճիշտ փոխհարաբերություններն ու փոխազդեցությունները միջավայրի հետ: Երբեմն մարդն սկսում է անհարմարություն զգալ առօրեական շփումներից, խուսափում է հանդիպումներից, մտերմիկ զրույցներից, կոնֆլիկտային են դառնում նրա շփումները նույնիսկ սիրելի մարդկանց հետ: Այս իրավիճակները ևս կարող են արդյունավետ հաղթահարվել հոգեբանական/հոգեթերապևտիկ միջամտությամբ:

Պատահում է նաև այնպես, որ անձը, առանց ընդգծված կենսական դժվարությունների, իրեն զգում է փակուղու առջև, երբ սեփական գոյության իմաստը դառնում է անորոշ, նպատակներն՝ արժեզրկված, ունեցածը՝ անբավարար:

Առաջացած խնդիրները լուծել ինքնուրույն, թե հոգեբան/հոգեթերապևտի պրոֆեսիոնալ աջակցությամբ, յուրաքանչյուրի անձնական որոշումն է: Ամեն դեպքում, պետք է խնայել հոգեկան առողջությունն ու օրգանիզմը` երկարատև սթրեսի բացասական ազդեցությունից և հնարավորին արագ վերականգնել ներքին անդորրը:

Հոգեբանական աջակցության անհրաժեշտություն կարող է ունենալ յուրաքանչյուր մարդ` իր կյանքի ցանկացած փուլում: Հոգեբանին դիմելու որոշումը կարող է պայմանավորված լինել ամենատարբեր հանգամանքներով՝ սկսած անձնային աճի, ինքնակատարելագործման, մասնագիտական բարձունքների հասնելու պահանջից մինչև հոգեմարմնական լուրջ խնդիրներ:

Այն խնդիրներն ու իրավիճակները, որոնց դեպքում պետք է դիմել հոգեբանին, բազմազան են: Այնուամենայնիվ, փորձել ենք համակարգել դրանք՝ հաշվի առնելով չափահաս մարդկանց և երեխաների հոգեբանական խնդիրների առանձնահատկությունները:

Չափահաս անձանց առնչվող խնդիրներ.

  • Անձնային աճ, ինքնազարգացում
  • Ինքնագնահատականի խնդիրներ, անվստահություն, թերարժեքության բարդույթներ
  • Տագնապ, վախ, ֆոբիա
  • Տարիքային ճգնաժամեր
  • Սթրես, դեպրեսիա, քրոնիկ հոգնածություն
  • Կորուստ, վիշտ, տրավմա
  • Աշխատանքային սթրես
  • Ուշադրության, կենտրոնացման, հիշողության խնդիրներ
  • Միջանձնային հարաբերություններում խնդիրներ, հաղորդակցման դժվարություններ
  • Մինչամուսանական խնդիրներ, ընտանեկան կոնֆլիկտներ
  • Հոգեսեռական խնդիրներ
  • Ծնողավարություն
  • Հոգեմարմնական խնդիրներ
  • Քաշի կառավարում, սննդային խանգարումներ և սննդային ռեժիմի փոփոխություն
  • Քրոնիկ հիվանդությանը հարմարվելու դժվարություններ
  • Վատ սովորություններ (ծխախոտ, ալկոհոլ, թմրանյութեր և այլն)
  • Կյանքի իմաստի փնտրտուք, սեփական ես-ի բացահայտում
  • Կարիերայի կառուցում, մասնագիտական կողմնորոշում


Երեխաներին և դեռահասներին առնչվող խնդիրներ.

  • Վարքի խանգարումներ
  • Բարձր տագնապայնություն
  • Ագրեսիվություն, կռվարարություն, գերակտիվություն
  • Զարգացման խանգարումներ
  • Մանկական աուտիզմ
  • Հետտրավմատիկ սթրես
  • Ընտանիքի անդամների հետ բարդ փոխհարաբերություններ
  • Ծնողների ամուսնալուծությունից ծագած խնդիրներ
  • Կորուստ, վիշտ, հոգեբանական տրավմա
  • Կակազություն, խոսքի խնդիրներ
  • Անհանգիստ քուն
  • Ուշադրության, կենտրոնացման խնդիրներ
  • Հասակակիցների հետ շփման խնդիրներ
  • Ուսման մեջ դժվարություններ, դպրոցին և համադասարանցիներին ադապտացվելու խնդիրներ
  • Քաշի խանգարումներ
  • Արտազատման խնդիրներ (էնուրեզ, էնկոպրեզ)
  • Դեռահասների մասնագիտական կողմնորոշում

Սկզբնաղբյուր. hapak.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Share |

Հարցեր, պատասխաններ, մեկնաբանություններ

Կարդացեք նաև

«DISASTER MEDICINE» գրքի էլեկտրոնային և թղթային տարբերակներ
«DISASTER MEDICINE»  գրքի էլեկտրոնային և թղթային տարբերակներ

Հարգելի ընթերցող,
Տեղեկացնում ենք, որ  «DISASTER MEDICINE»  գրքի էլեկտրոնային և թղթային տարբերակներից  կարող եք օգտվել...

2019թ. սեպտեմբեր – 2021թ. սեպտեմբեր, «Մանկաբարձություն և գինեկոլոգիա» թեմայով 12-օրյա դասընթաց
2019թ. սեպտեմբեր – 2021թ. սեպտեմբեր, «Մանկաբարձություն և գինեկոլոգիա» թեմայով 12-օրյա դասընթաց

2019թ. սեպտեմբեր – 2021թ. սեպտեմբեր ժամանակահատվածում (տարվա բոլոր ամիսներին, բացի օգոստոսից) Երևանում (Վերարտադրողական առողջության, պերինատոլոգիայի, մանկաբարձության և գինեկոլոգիայի հանրապետական ինստիտուտ...

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ