Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

...

Կոկորդի քաղցկեղի ժամանակակից բուժում. nairimed.com

Կոկորդի քաղցկեղի ժամանակակից բուժում. nairimed.com

Քաղցկեղը կարող է ախտահարել մարդու օրգանիզմի ցանկացած օրգան` հաշվի չառնելով օրգանի կարևորությունն ու ուռուցքի հեռացնելու բարդությունները։ Ճիշտ այդպես` ուռուցքը կարող է ախտահարել կոկորդի տարրերը, և, տարածվելով, ընդգրկել ձայնային համակարգն` ամբողջությամբ։

Սովորաբար, կոկորդի քաղցկեղն առաջանում է կոկորդի լորձաթաղանթից, որի առաջացմանը կարող են նպաստել տարբեր վնասակար գործոններ, որոնցից ամենամեծ դերը ծխախոտի ծխի երկարատև վնասակար ազդեցությունն է։
   
Երբ ուռուցքը տեղակայվում է լորձաթաղանթի հաստության մեջ կամ տարածվում է ձայնալարի հաստության մեջ, բայց չի ախտահարում կոկորդի աճառային տարրերը, ապա հնարավոր է հեռացնել ուռուցքը` պահպանելով ձայնային համակարգը։ Այս պարագայում հիվանդը վիրահատությունից հետո ավելի արագ է վերականգնվում, ֆունկցիայի խանգարումը, հետվիրահատական անհարմարավետությունը և դժվարությունները լինում են նվազագույն։

Մինչդեռ, երբ ուռուցքը լորձաթաղանթից տարածվում է աճառային տարրերին, ուռուցքի կրկնվելը կանխելու համար անհրաժեշտ է հեռացնել ամբողջ ձայնային համակարգը և, անհրաժեշտության դեպքում, հեռացնել նաև պարանոցային ավշահանգույցները (կարող են լինել մետաստազներ)։ Այս վիրահատության ժամանակ հատկապես ծանր են վերականգնվում այն ֆունկցիաների խանգարումները, որոնք առաջանում են կոկորդի հեռացումից հետո, դրանցից են ձայնի և խոսքի կորուստը։

«Նաիրի» բժշկական կենտրոնում այս վիրահատության ընթացքում, կոկորդի հեռացումից հետո, տեղադրվում է հատուկ ձայնային պրոթեզ, որի օգնությամբ հնարավոր է վերարտադրել ձայնը և խոսքը։ Նմանատիպ մեթոդը կիրառվում է նաև արտասահմանյան ժամանակակից կլինիկաներում: Վերականգնման հետագա ընթացքը կազմակերպվում է ուռուցքաբանի և լոգոպեդի համատեղ աշխատանքով:

Սկզբնաղբյուր. nairimed.com
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Share |

Հարցեր, պատասխաններ, մեկնաբանություններ

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ