Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

...

ՀՀ ԱՆ. Մանկական հոգեբուժության զարգացման հեռանկարները` ուշադրության կենտրոնում

ՀՀ ԱՆ. Մանկական հոգեբուժության զարգացման հեռանկարները` ուշադրության կենտրոնում

ՀՀ ԱՆ «Ակադեմիկոս Ս.Ավդալբեկյանի անվան առողջապահության ազգային ինստիտուտում» մեկնարկել է «Մանկական հոգեբուժության զարգացման հեռանկարները․ միջմասնագիտական համագործակցություն» հայ-ֆրանսիական երկօրյա գիտաժողովը, որին մասնակցել է առողջապահության նախարարի տեղակալ Լենա Նանուշյանը:

Նախարարի տեղակալը ողջունել է գիտաժողովի մասնակիցներին և կարևորել երեխաների և դեռահասների լիարժեք հոգեկան առողջությունը` որպես հասարակության ապահով զարգացման և ազգային անվտանգության արհրաժեշտ պայման:

«Մանկական հոգեբուժական ծառայությունը մանկական բնակչությանը սպասարկող առողջապահական համակարգի կարևորագույն ոլորտներից է։ Հոգեկան/հոգեբուժական օգնության ծառայության անհրաժեշտությունը պայմանավորված է մի շարք գործոններով` մանկական հասակում հոգեկան և վարքի խանգարումների լայն տարածվածություն, դրանցով պայմանավորված կայուն և ծանր հետևանքներ, սոցիալական դեզադապտացիա, ուսումնառության հիմնախնդիրներ, մանկական հաշմանդամություն: Հարկ է նշել, որ մանկական հաշմանդամության կառուցվածքում հոգեկան հիվանդությունները և խանգարումներն ունեն բավականին մեծ տեսակարար կշիռ՝ զիջելով միայն նյարդային համակարգի ախտաբանությանը», - ասել է Լենա Նանուշյանը:

Բացման խոսքում նախարարի տեղակալը նշել է, որ Առողջապահության համաշխարհային կազմակերպության տվյալների համաձայն` երեխաների և դեռահասների շրջանում հոգեկան և վարքի խանգարումների տարածվածությունը կազմում է մինչև 20%։ Հայաստանում, ինչպես և ամբողջ աշխարհում, նկատվում է հոգեկան առողջության խանգարումների աճ։

«Մենք վստահ ենք, որ ֆրանսիացի գործընկերների հետ ծավալված այս կայուն համագործակցությունը կշարունակի տալ իր դրական արդյունքը` օգնելով ոտքի կանգնեցնել մանկական հոգեբուժական ծառայությունը մեր երկրում», - ասել է Լենա Նանուշյանը:

Լիոնի Վինաթյե կլինիկայի տնօրեն Պասկալ Մարիոտին և Ֆրանսիայի փոխդեսպան Քլեր Լը Ֆլեշերը ևս ողջույնի խոսքեր են ուղղել գիտաժողովի մասնակիցներին և ընդգծել նմանատիպ միջոցառումների կարևորությունը հոգեբուժության ոլորտում` հավելելով, որ փորձի փոխանակումը կնպաստի մասնագիտական հմտությունների կատարելագործմանը:

Երկօրյա գիտաժողովի շրջանակներում բանախոսները կանդրադառնան նաև Հայաստանում աուտիզմով հիվանդացության իրավիճակին, զարգացման խանգարումներ ունեցող երեխաների վերականգնողական բուժմանը, սննդի ընդունման խանգարումներին երեխաների և դեռահասների մոտ, մանկական դեպրեսիային և այլ հիմնախնդիրներին:

Սկզբնաղբյուր. ՀՀ առողջապահության նախարարություն
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Share |

Հարցեր, պատասխաններ, մեկնաբանություններ

Կարդացեք նաև

Դասախոսություն «Միկրոանգիոպաթիայի ֆենոմենի նշանակությունը մանկաբարձությունում և գինեկոլոգիայում» թեմայով. morevmankan.am
Դասախոսություն «Միկրոանգիոպաթիայի ֆենոմենի նշանակությունը մանկաբարձությունում և գինեկոլոգիայում» թեմայով. morevmankan.am

Հարգելի գործընկերներ


Սույն թվականի մարտի 29-ին Մոր և մանկան առողջության պահպանման գիտահետազոտական...

«Արմենիա» ՀԲԿ-ն աշխատանքի է հրավիրում. armeniamedicalcenter.am
«Արմենիա» ՀԲԿ-ն աշխատանքի է հրավիրում. armeniamedicalcenter.am

«Արմենիա» ՀԲԿ-ն աշխատանքի է հրավիրում...

Կլինիկական դեպք․ գիգանտ միոմայի բարեհաջող հեռացում. morevmankan.am
Կլինիկական դեպք․ գիգանտ միոմայի բարեհաջող հեռացում. morevmankan.am

Մոր և մանկան առողջության պահպանման ԳՀԿ էր դիմել  29 տ. կին, ում մոտ ախտորոշվել էր գիգանտ միոմա։ Նա Կանադայից էր, համացանցով փնտրել և ընտրել էր իր համար վստահելի...

ՀՀ ԱՆ. Ձեռքերի ալերգիկ կոնտակտային մաշկաբորբ
ՀՀ ԱՆ. Ձեռքերի ալերգիկ կոնտակտային մաշկաբորբ

Այս խորհուրդներին հետևելը կօգնի նվազագույնի հասցնել ռիսկերը կենցաղային քիմիական նյութերի հետ աշխատելիս և պահպանել ձեր առողջությունն ու բարեկեցությունը...

Եվրոպայում առկա բուժման մոտեցումները վաղուց կիրառվում են Նաիրիում. nairimed.com
Եվրոպայում առկա բուժման մոտեցումները վաղուց կիրառվում են Նաիրիում. nairimed.com

Ուրախ ենք տեղեկացնել, որ «Նաիրի» ԲԿ-ի նյարդաբանության և նյարդավիրաբուժության բաժանմունքի ղեկավար Արման Պարգևի Հակոբյանը` որպես խոսնակ...

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ