Խնկունի (հազրեվարդ)- Розмарин - Rosemary. օգտակար հատկությունները և օգտագործման եղանակները. 168.am

Խնկունին ո՛չ միայն համեմունք է, այլև արժեքավոր բուժիչ միջոց, որը բազմաթիվ օգտակար հատկություններ ունի։ Steptohealth.ru կայքը գրում է, որ այն հակաօքսիդանտ է, կարգավորում է նյութափոխանակությունը, սիրտ-անոթային համակարգի աշխատանքը։

• Լավացնում է արյան շրջանառությունը։
• Հակաօքսիդանտ է։
• Լավացնում է նյութափոխանակությունը և օգնում որովայնի փքվածության, բարձր թթվայնության դեպքում։
• Հանգստացնում է դաշտանային ցիկլի ընթացքում առաջացող ցավերը։
• Լավացնում է երիկամների և լեղապարկի աշխատանքը։
• Իջեցնում է արյան մեջ խոլեսթերինի մակարդակը։
• Օգնում է կանխարգելել որոշակի հիվանդությունների զարգացումը։
• Օգտակար միջոց է սննդային թունավորման դեպքում

Խնկունու թուրմ

Գերադասելի է խմել ուտելուց հետո՝ նյութափոխանակությունը լավացնելու համար։ 200 մլ ջուրը եռացրեք, ավելացրեք մեկ գդալ չորացրած ռոզմարին և թողեք եռա 3 րոպե։ Անջատեք կրակը, փակեք կաթսան և թողեք 5 րոպե։

Սպիրտային թուրմ

Սա օգտագործվում է մերսման համար, որը թարմացնում է մաշկը, հանգստացնում բորբոքումները, լավացնում արյան շրջանառությունը։ Հերմետիկ փակ ապակե տարայի մեջ դրեք թարմ ռոզմարին, 96%-անոց սպիրտ ավելացրեք։ 15 օր թողեք թրմվի։ Մի՛ մոռացեք ամեն օր խառնել։

Խնկունու յուղը՝ մազերի համար

Սա շատ օգտակար է մազերի առողջության համար, քանի որ լավացնում է գլխի մաշկի շրջանառությունը և կանխարգելում մազաթափությունը։ Պարզապես ռոզմարինի յուղի մի քանի կաթիլ ավելացրեք շամպունին։ Եթե ցանկանում եք ռոզմարինով դիմակ պատրաստել, կարող եք խառնել կոկոսի յուղի հետ և քսել մազերին՝ մերսելով գլխի մաշկը։ Թողեք 30 րոպե, ապա լվացեք մազերը։

Մեղր՝ խնկունուց

• օգնում է բրոնխիտի դեպքում,
• կարգավորում է նյութափոխանակությունը,
• հանգստացնում է արթրիտի և ռևմատիզմի ցավերը,
• կարգավորում է նյարդային համակարգը,
• օգնում է պայքարել ռեսպիրատոր հիվանդությունների դեմ,
• բարձրացնում է իմունիտետը։

Որպես համեմունք

Այն հատկապես շատ է օգտագործվում իտալական խոհանոցում։

Հարցեր, պատասխաններ, մեկնաբանություններ