Մ. Հերացու անվան ԵՊԲՀ ստոմատոլոգիական ֆակուլտետի 50-ամյակի առիթով ստացված շնորհավորական ուղերձներ

Որպես Եվրոպայում ատամնաբուժական կրթության ասոցիացիայի նախագահ` հաճույքով եմ գրում այս միջոցառման` ստոմատոլոգիական կրթություն և գիտություն ասոցիացիայի կողմից կազմակերպված 2-րդ միջազգային վեհաժողովի կապակցությամբ:

Եվրոպայում ատամնաբուժական կրթության ասոցիացիայի անունից ձեզ եմ փոխանցում շնորհավորանքներս և լավագույն ցանկություններս` Մ. Հերացու անվան ԵՊԲՀ ստոմատոլոգիական ֆակուլտետի 50-ամյակի կապակցությամբ:

Եվրոպայում ատամնաբուժական կրթության ասոցիացիան որդեգրել է «Սովորել միասին` մարդկանց ստոմատոլոգիական առողջական կարգավիճակը և կյանքի որակը բարելավելու համար» կարգախոսը: Ձեր հավաքների ժամանակ քննարկվելիք թեմաները և քննարկումները լավագույն կերպով կխթանեն մասնակիցների «միասին սովորելու» հնարավորությունը:

Ես տեղյակ եմ, որ ձեր գիտաժողովի ծրագիրն անդրադառնում է ԵՊԲՀ ստոմատոլոգիական ֆակուլտետի զարգացմանը և իրականացված բարեփոխումներին, տեխնոլոգիական վերջին զարգացումներին, ինչպես նաև գործնական և տեսական վերջին ձեռքբերումներին: Վստահ եմ, որ կլինի կարծիքների փոխանակման և քննարկումների խթանիչ միջավայր:

Եվրոպայում ատամնաբուժական կրթության ասոցիացիան այս տարի կազմակերպելու է 38-րդ ամենամյա հավաքը Լիոնում (Ֆրանսիա): Հավաքի թեման է «Ապացուցողական ատամնաբուժություն` աշխատասեղանից մինչև ստոմատոլոգիական կլինիկա»: Մենք նույնպես անդրադառնալու ենք ստոմատոլոգիական կրթության կարևորությանը, ինչպես նաև քննարկելու ենք այս հետազոտությունների հնարավոր ազդեցությունը պրակտիկ ոլորտի վրա: Մենք նունպես հուսով ենք նպաստելու մեր գաղափարի ի կատար ածմանը, այն է` «Սովորել միասին, բարելավելու համար մարդկանց ստոմատոլոգիական առողջական կարգավիճակը և կյանքի որակը»:  

Հաջողություն եմ մաղթում այս կարևոր իրադարձությանը` Մ. Հերացու անվան ԵՊԲՀ ստոմատոլոգիական ֆակուլտետի 50-ամյակին նվիրված 2-րդ միջազգային վեհաժողովին, որը կազմակերպվել է Ստոմատոլոգիական կրթություն և գիտություն ասոցիացիայի, Մ. Հերացու անվան Երևանի պետական բժշկական համալսարանի, ՀՀ առողջապահության և կրթության ու գիտության նախարարությունների ջանքերով:

Վստահ եմ, որ կոնգրեսը կխթանի նորարարությունը և աճը` մասնագիտական ոլորտում և կակտիվացնի ինչպես փորձառու, այնպես էլ նորավարտ մասնագետների ջանքերը գիտական և պրակտիկ ոլորտներում:

Պրոֆեսոր Սեսիլլիա Քրիսթերսոն.

Եվրոպայում ատամնաբուժական կրթության  ասոցիացիայի նախագահ

Մեծարգո ռեկտոր, Մոսկվայի Ա. Ի. Եվդոկիմովի անվան բժշկական-ստոմատոլոգիական համալսարանը սրտանց շնորհավորում է Ձեզ, գիտական խորհրդին, պրոֆեսորա-դասախոսական անձնակազմին, բոլոր աշխատակիցներին, ուսանողներին և շրջանավարտներին` Մ. Հերացու անվան ԵՊԲՀ ստոմատոլոգիական ֆակուլտետի հիմնադրման 50-ամյակի կապակցությամբ:

Ընդունեք մեր լավագույն մաղթանքները` առողջության, բարեկեցության, բարգավաճման, նորանոր հաղթանակների և ամենահամարձակ գործնական ցանկությունների իրականացման տեսքով:

Միջազգային 2-րդ վեհաժողովին ցանկանում ենք հաջող ընթացք: Վստահ եմ, որ մեր փոխհամագործակցությունը կամրապնդվի և կստանա գործնական նոր զարգացում:

 Պրոֆեսոր Օ. Օ. Յանուշեվիչ 

Մոսկվայի Ա. Ի. Եվդոկիմովի անվան բժկական-ստոմատոլոգիական համալսարանի ռեկտոր,

ՌԴ ԱՆ գլխավոր ստոմատոլոգ, ՌԴ վաստակավոր բժիշկ 

 Պրոֆեսոր` Ա.Վ. Միտրոնին 

ստոմատոլոգիական ֆակուլտետի դեկան

Վեհաժողովին ուղերձներ էին հղել նաև Օմսկի պետական բժշկական ակադեմիայի ռեկտոր, պրոֆեսոր Ա. Ի. Նովիկովը, Թբիլիսիի պետական բժշկական համալսարանի ռեկտոր, պրոֆեսոր Զուրաբ Վադաչկորիան և այլոք:

Հարցեր, պատասխաններ, մեկնաբանություններ