«Ապագա բժիշկ» հանդեսը Մարտի 8-ի՝ կանանց միջազգային օրվա մասին

Աշխարհը կնոջը մեկ տոն է նվիրել, հայերս` երկու տոն` մարտի 8 և ապրիլի 7: Հայ աղջիկները ունեն 4 տոն` նախորդ երկու տոներին ավելանում են նաև սիրո տոները` Սուրբ Սարգսի և Վալենտինի:

Կինը` հեթանոս աստվածուհի ու Աստվածամայր, պագշոտ Շամիրամ, թագուհի ու լքյալ մուրացիկ...

Կինը` միաժամանակ Լիլիթ ու Եվա: Կինը` մայր, քույր, սիրելի էակ` մեծարված կամ լքված, սիրելի կամ ատելի:

Արվեստի գլուխգործոցներում այսպես է ներկայացվում կինը` բազմադեմ, տենչալի, սարսափելի...

Չանդրադառնալով համաշխարհային մեծության այլ ստեղծագործողներին` ձեզ ենք ներկայացանում հայ մեծանուն նկարիչ Վարդգես Սուրենյանցի գործերից մի քանիսը, որոնցում կինը Տիրամայր է, թագուհի, Շամիրամ, Սալոմե, լքյալ...

Կանանց մասին խոսել են բոլոր արվեստագետները` գրող, քանդակագործ, նկարիչ, երաժիշտ...

Կնոջը սիրահարված եղել են աշխարհը ծունկի բերած բոլոր զորավարները: Հանուն կնոջ մղվել են ահեղ ճակատամարտեր: Աշխարհը ծունկի բերած Նապոլեոնը սիրահարված պատանյակի նման թափառել է Ժոզեֆինայի պատուհանների տակ...

Ամեն դեպքում` որքան էլ առեղծվածային` կինը նաև սովորական էակ է, ինչպես և տղամարդը: Այնպես որ, սիրելի տղամարդիկ, շատ մի վախեցեք և ոչ էլ թերագնահատեցեք կանանց, հատկապես` տղամարդ հանճարներից շատերը կնոջը գնահատելու վերամբարձ խոսքեր են հնչեցրել, խոսքեր, որոնք բնավ զուրկ չեն հիմքից...

Հարցեր, պատասխաններ, մեկնաբանություններ