«Իրենք զոհվեցին` թեև կյանք փրկելու էին կոչված»։ Մանվել Գրիգորյան, ԵԿՄ նախագահ

Մանվել Գրիգորյանը Երկրապահ կամավորականների միության մեդալներ և պատվոգրեր հանձնեց ՀՀ սահմանամերձ մարզերի և մայրաքաղաքի մի խումբ բժիշկների ու առողջապահության կազմակերպիչների, ի թիվս որոնց Հայաստանի Երկրապահ կամավորականների միության «Հայաստանի երկրապահ» հուշամեդալի արժանացան ԵՊԲՀ ռեկտոր Դերենիկ Դումանյանը, 

ՀՀ աշխատանքի և սոցիալական հարցերի նախարարության աշխատակազմի ղեկավար Արտակ Գրիգորյանը, Երևան քաղաքի առողջապահության վարչության պետ Արմեն Ուլիխանյանը:

Մենք երկրապահի 5-րդ համագումարի բարձր ամբիոնից մեր շնորհակալությունը հայտնեցինք ձեզ, սիրելի բժիշկներ:

Այսօր ես ուզում եմ նորից կրկնել` ձեր հոգատարությունը, վերաբերմունքը հաշմադամ ազատամարտիկների, զոհվածների ընտանիքների, երկրապահ ազատամարտիկների նկատմամբ ամրապնդել է մեր ժողովրդի հավատը առ այն, որ մեր պետությունն ու կառավարությունը անում են հնարավորը  որպեսզի առավել ամրանա հավատը վաղվա օրվա հանդեպ:  Դեռևս պատերազմի օրոք ռազմական ընկերներիս հետ բազմիցս ականատես եմ եղել, թե ինչպես է հայ բժիշկը անձնուրաց պայքարում մարտի դաշտում: Ես այսօր էլ շատ կարևորում եմ նրանց հայրենանվեր գործունեությունը:

Հարցեր, պատասխաններ, մեկնաբանություններ