Քեմբրիջը տագնապած է. թեստային համակարգի պատճառով ուսանողները դադարել են մտածել և վերածվել են ռոբոտների

Թեստերի միջոցով կրթություն ստացած ուսանողները որևէ նոր գաղափար չեն կարողանում առաջ քաշել: Նման եզրահանգման են եկել Քեմբրիջի համալսարանի դասախոսները` ելնելով իրենց բազմամյա փորձից:

Պատմության պրոֆեսորներ Ռեբերտ Թոմբսը և Դեվիդ Աբուլաֆիան կարծում են, որ բազմաթիվ տարիների ընթացքում ուսանողները դադարել են մտածել ոչ ստանդարտ ձևով և այլևս չեն արտահայտում սեփական գաղափարներ: Ավելին, այն սխալները, որոնք հիմա անում են գերազանցիկները, նախկինում միայն թույլ ուսանողների «մենաշնորհն» էր:«Ուսանողները որոշակի արդյունքի վրա են կենտրոնանում, նրանք ուղղակի մտածելու կարիք չունեն»,-կարծում են պրոֆեսորները:

Լոնդոնի հռետորական դպրոցի նախկին տնօրեն և կառավարության խորհրդական Ջոն Մակինտոշը կարծում է, որ դրա մեղավորը կրթության թեստային համակարգն է: Այն ուսուցիչներին և ուսանողներին բառացի «ռոբոտների» է վերածել: Նրա խոսքով`  Քեմբրիջում ուսանողները նույնիսկ չգիտեն, թե ինչպես շարադրություն գրել, բայց կարող են ցանկացած թեստ անսխալ անցնել, որը նրանց կրթված մարդ չի դարձնում:

«Ջերի Ջարվիսը, ով չորս տարի գլխավորել է Մեծ Բրիտանիայում խոշորագույն քննական կենտրոն Edexcel-ը, կոչ է արել արմատական վերափոխում կատարել որակավորման համակարգում»,- գրում է Telegraph-ը:

Հարցեր, պատասխաններ, մեկնաբանություններ