Կլերոդենդրոն

Վերբենյանների ընտանիքից է: Հայրենիքը` Ասիա և Աֆրիկա: Աշխարհում այս գեղեցիկ բույսի ավելի քան երեք հարյուր տեսակ կա: Դրանց առանձնահատկություններն են տարբեր ձևերի տերևները և ծաղիկների գույները:

Այս բույսի ամենատարածված տեսակը, որը աճեցնում են տան պայմաններում, Թոմսոնի Կլերոդենդրոնն է: Այս փաթաթվող բույսի տերևները չալպտուրիկ են, իսկ գույնը սպիտակ` դեղնավուն երանգով:

Ձմռանը տերևները թափվում են: Արագ աճի շրջանում բույսին անընդհատ կսմթում են (պոկոտում), որ ճյուղավորվի: Այս տեսակի ծաղկման շրջանը բավականին երկար է տևում, քան Կլերոդենդրոնի մյուս տեսակներինը: Այն ծաղկում է գարնանն ու ամռանը:

Բուրավետ Կլերոդենդրոն

Սա նույնպես հարմար է տանը աճեցնել: Ունի արտասովոր կանաչ տերևներ, որոնք ծածկված են փափուկ մազիկներով և սրտաձև են:

Դեղին կամ սպիտակ ծաղիկները ուշադրություն են գրավում, նրանք շատ հաճելի բուրմունք ունեն: Բույսի այս տեսակը գերադասում է հով և ստվերոտ տեղ:

Փայլուն Կլերոդենդրոն

Клеродендрон փայլունՍա բույսի յուրահատուկ դեկորատիվ տեսակն է, հայրենիքը Աֆրիկան է: Արագ փաթաթվող բաղեղները հիանալի կարող են զարդարել սենյակը: Ամենագլխավորը, որ այս տեսակի խնամքի մեջ մտնում է նրան անընդհատ կապելը: Ծաղկման շրջանը ձմեռն է, երեք ամիս շարունակ: Ունի ոչ մեծ, կարմիր ծաղիկներ:

Կլերոդենդրոնի բազմացումը

Բազմացնում են 20սմ կտրոններով: Կտրում են սուր դանակով, գարնանը: Կտրոնները չպետք է ունենան կանաչ գագաթ և պետք է լինեն լրիվ փայտացած: Սկզբում դրանք պետք է դնել ջրով բանկայի մեջ: Արևը չպետք է ընկնի բանկայից ներս, կարելի է այն փաթաթել սև թղթով:Արմատներ երևալուց հետո կտրոնները տնկում են հատուկ պատրաստված հողային խառնուրդի մեջ, 7սմ խորությամբ:

Հողը բաղկացած է բարակ ավազի շերտից և տորֆի կտորներից: Երբ բույսը արմատակալում է, անհրաժեշտ է այն տեղափոխել թաղարի մեջ և դնել ստվերոտ տեղ: Մարտին տնկում են հողի մեջ և կսմթում ծայրերը: Մեկ ամսվա ընթացքում սկսում է բույսի ծաղկման շրջանը:

Կլերոդենդրոնի խնամքը

Այս բույսը տեղավորում են լավ լուսավորված տեղում, բայց ոչ արևի ճառագայթների տակ, դա անթույլատրելի է և կարող է բերել այրվածքների: Ամռանը կարելի է բույսը դուրս հանել:

Ձմռանը այն պահում են 12 աստիճան ջերմաստիճանում: Այդ ժամանակահատվածում բույսը հանգստանում է և կարող է թափել տերևների մի մասը: Ջրելը պրակտիկորեն դադարեցվում է, ուղղակի հողը շատ ուժեղ չչորանա:

Ամռանը բույսը հարկավոր է առատ ջրել, ցանկալի է օրը երկու անգամ` առավոտյան և երեկոյան, տնային ջերմաստիճանի ջրով: Նաև անհրաժեշտ է բույսը ցողել: Որպեսզի այն արագ աճի, ամեն տարի հարկավոր է թաղարը փոխարինել ավելի մեծով:

Հարցեր, պատասխաններ, մեկնաբանություններ