Գարնանթարամ գեղեցիկ - Мелколепестник красивый - Erigeron Speciosus.

Աստղածաղկազգիների ընտանիքին պատկանող բազմամյա ծաղկաբույս է: Շատ նման է ալպիական  բազմամյա աստղածաղկին: Ծաղիկները մանր են, մեծ մասամբ մանուշակագույն, դեղին միջնամասով, հավաքված բազմածաղիկ ծաղկաբույլերում: Բույսի բարձրությունը հասնում է  40-70 սմ-ի: Ծաղկում է հունիսից մինչև աշուն: Տերևները երկարավուն են, ցողունը` խորդուբորդ: Գերադասում է արևոտ, լուսավոր վայրերը, չափավոր խոնավ, լավ դրենաժի ենթարկվող սևահողերը: Բավականին ջերմասեր է: Բազմանում է թփի բաժանմամբ և սերմերով: Վայրի վիճակում տարածված է Հյուսիսային Ամերիկայում (Կալիֆոռնիա): Մեր հանրապետությունում մշակվում է 1950-ական թվականներց սկսած:

Սերմերը սովորաբար ցանում են ջերմատանը` մարտի առաջին կեսին: Առաջին զույգ տերևները կազմավորվելուց հետո սերմնաբույսերը վերատնկում են արկղերում: Անհրաժեշտության դեպքում կատարում են երկրորդ  վերատնկումը: Սածիլները կարելի է դաշտ տեղափեխել մայիսի վերջին:

Արժանի է լայն ներդրման, քանի որ դեկորատիվ առանձնահատկությունների հետ միասին աչքի է ընկնում նաև մեծ դիմացկունությամբ: Խորհուրդ է տրվում օգտագործել ծաղկային գրեթե բոլոր ձևավորումներում: Հատկապես լավ է դիտվում միքսբորդերներում, եղրաշերտերում, պարտերային ձևավորումներում, խմբերով` գազոնի ֆոնի վրա: Համեմատաբար ցածրաճ սորտերը խորհուրդ է տրվում օգտագործել քարապարտեզներում: Խոշորածաղիկ սորտերը մինգամայն պիտանի են նաև որպես կտրած ծաղիկ օգտագործելու համար:

Հարցեր, պատասխաններ, մեկնաբանություններ